Shauhar Ke Sath Zindagi Basar Karne Ka Tareeqa Part-1

Assalamualaikum Ab Tak Is Silsile ki
👇👇 Ye Saari Post Ho Chuke Hai

► AURAT KYA HAI
► AURAT-iSLAAM-SE-PAHLE
► AURAT-ISLAAM-AANE-KE-BAAD
► AURAT-KI-ZINDAGI-KE-4-DAUR
► AURAT-KA-BACHPAN
► AURAT-JAB-BALIGH-HO-JAYE
► AURAT-SHADI-KE-BAAD
► SHAUHAR-KE-HUQOOQ

Insha Allah Ab Aage Ka Bayaan Pesh Hoga

Shauhar Ke Sath Zindagi Basar Karne Ka Tareeqa

Part-1
Yaad Rakho ki Miyan Biwi Ka Rishta Ek Aisa Mazboot Taalluq Hai
Ki Sari Umr Usi Bandhan Mein Rah Kar Zindagi Basar Karni Hai
Agar Miyan Biwi Mein Pura Pura Ittehad Aur Milaap Raha

Toh Is Se Badh Kar Koi Naemat Nahin
Aur Agar Khuda Na Kare Miyan Biwi Ke Darmiyan Ikhtelaf Paida Ho Gaya
Aur Jhagdey Taqraar Ki Naubat Aa Gai
Toh Is Se Badh Kar Koi Musibat nahin
Ki Miyan Biwi Donon Ki Zindagi Jahannam Ka Namunah Ban Jati Hai

Aur Donon Umr Bhar Ghutan Aur Jalan Ki Aag Mein Jaltey Rahtey Hain
Is Zamaney Mein Miyan Biwi Ke Jhagdon Ka Fasad Is Qadar Zyadah Fail Gaya Hai Ki
Hazaron Mard Hazaron Aurten Is Bala Mein Giraftaar Hain
Aur Musalmanon Ke Hazaron Ghar Is Ikhtelaf Ki Aag Mein Jal Rahe Hain

Aur Miyan Biwi Donon Apni Zindagi Se Bezaar Ho Kar
Din Raat Maut Ki Duayen Manga Karte Hain
Is Liye Ham Munasib Samajhte Hain Ki Is Muqaam Par Chand Aisi Nasihaten Likh Den
Ki Agar Mard Wa Aurat In Par Amal Karne Lagen Toh

''ALLAH" Ta-ala Se Ummeed Hai Ki Miyan Biwi Ke Jhagdon Se Muslim Muaashrah Paak Ho Jayega
Aut Musalmanon Ka Har Ghar Amno Sukoon
Aur Aaraam Wa Rahat Ki Jannat Ban Jayega

(1) Har Aurat Shauhar Ke Ghar Mein Qadam Rakhte Hi Apne Upar Yeh Lazim Kar Le
Woh Har Waqt Aur Har Haal Mein Apne Shauhar Ka Dil Apne Haath Mein Liye Rahe
Aur Uske Isharon Par Chalti Rahe
Agar Shauhar Huqm De Ki Din Bhar Dhoop Mein Khadi Raho
Ya Raat Bhar Jaagti Hui Mujhe Pankha Jhalti Raho

Toh Aurat Ke Liye Duniya Wa Aakhirat Ki Bhalai Isi Mein Hai
Ki Thoda Takleef Utha Kar Aur Sabr Kar Ke Is Huqm Par Bhi Amal Kare
Aur Kisi Waqt Aur Kisi Bhi Haal Mein Shauhar Ke Huqm Ki Nafarmani Na Kare

(2) Har Aurat Ko Chahiye Ki Woh Apne Shauhar Ke Mijaaz Ko Pahchaan Le
Aur Baghaur Dekhti Rahe Ki Uske Shauhar Ko Kya Chizen Aur Kaun-Kaun Si Batein Na  Pasand Hain
Aur Woh Kin Baaton Se Khush Hota Hai

Aur Kin-Kin Baaton Se Naraaz Hota Hai
Uthne Baithne Sone Jagne Pahanne Odhne Aur Baat Cheet mein Uski Aadat
Aur Uska Zauq Kya Aur Kaisa Hai
Khub Achchi Tarah Shauhar Ka Mijaaz Pahchaan Lene Ke Baad
Aurat Ko Lazim Hai Ki Woh Har Kaam Shauhar Ke Mijaaz Ke Mutabiq Kare
Harghiz-Harghiz Shauhar Ke Mijaaz Ke Khilaaf Na Koi Baat Kare Na Koi Kaam

Ye Bhi Padhen ↓↓↓↓

1. Haiz (Period) va Nifas ke Masail menstruation
2. Kuchh Zaruri Masail
3. Ghusal ka Tareeqa
4. Sohbat (humbistari) ka Islamic Tariqa

Jald Hi Iska Agla Part Post kia Jayega Aap Hamari Web Dekhte Rahe Rozana Visit Kare
Aapko Kuch Na Kuch Naya
Zaroor Milega
Aur Post ko Share Karte Rahe Sawabe Zariya Hai