23 जन॰ 2017

AURAT JAB BALIGH HO JAYE

AURAT JAB BALIGH HO JAYE



Jab Aurat Baligh Ho Gai Toh

''ALLAH'' Wa Rasool ( Sallallahu Alaihi Wasallam ) Ki Taraf Se Shariyyat Ke Tamam Ahkam Ki Paband Ho Gai

Ab Us Par Namaz Rozah Aur Hajj Wa Zaqat Ke Tamam Masail Par Amal Karna Farz Ho Gaya

Aur ''ALLAH'' Ta-ala Ke Huqooq Aur Bandon Ke Huqooq Ko Ada Karne Ki Woh Zimmedar Ho Gai
Ab Us Par Lazim Hai Ki Woh Khuda Ke Tamam Farzon Ko Ada Kare

Aur Chotey Badey Tamam Gunahon Se Bachti Rahey

Aur Ye Bhi Uske Liye Zaruri Hai Ki Apne Maan Baap Aur Badon Ki Taazim Wa Khidmat Baja Laye

Aur Apne Chote Bhaiyon Bahnon Aur Dusre Azizo Aqarib Se Pyar Wa Muhabbat Kare

Padosiyon Aur Rishtey Nate Ke Tamam Chhoton Badon Ke Saath Un Ke Maratib Wa Lihaz Se Nek Sulook Aur Achha Bartaw Kare

Achhi-Achhi Adatein Sikhey Aur Tamam Kharab Adaton Ko Chod De

Aur Apni Zindagi Ko Pure Taur Par Islami Dhanchey Mein Daal Kar

Sachchi Pakki Pabandey Shariyyat Aur Imaan Wali Aurat Ban Jaye

Aur Iske Saath-Saath Mehnat Wa Mashaqqat Aur Sabro Riza Ki Adat Daley

Mukhtasar Yeh Ki Shadi Ke Baad Apne Upar Aane Wali Tamam Gharelu Zimmedariyon Ki Malumat Hasil Karti Rahe

Ki Shauhar Wali Aurat Ko Kis Tarah Apne Shauhar Ke Saath Nibah Karna

Aur Apna Ghar Sambhalna Chahiye

Woh Apni Maan Aur Badi Budhi Aurton Se Pooch Pooch Kar Is Ka Dhang Aur Saliqa Sikhey

Aur Apney Rahen Sahen Aur Chaal Chalan Ko Is Tarah Sudhare Sanware Ki Na Shariyyat Mein Gunahgaar Thahrey

Na Biradri Wa Samaaj Mein Koi Is Ko Taana Maar Sake



AURAT JAB BALIGH HO JAYE


Khane Pine Pahanne Odhney Sone Jagne

Baat Chit Gharz Har Kaam Har Baat Mein Jahan Tak Ho Sakey

Khud Taqleef Uthaye Magar Ghar Walon Ko Aaram Wa Rahat Pahunchaye

Baghair Maan Baap Ki Ijazat Ke Na Koi Saman Apne Istemaal Mein Laye Na Kisi Dusre Ko De

Na Ghar Ka Ek Paisa Ya Ek Dana Maan Baap Ki Ijazat Ke Baghair Kharch Kare

Na Baghair Maan Baap Se Puche Kisi Ke Ghar Ya Idhar Udhar Jaye

Gharz Har Kaam Har Baat Mein Maan Ki Ijazat Aur Razamandi Ko Apney Liye Zaruri Samjhey

Khane Pine Sine Pirone Apne Badan Apne Kapdey Aur Makaan Ki Safai

Gharz Sab Gharelu Kaam Dhandhon Ka Dhang Sikh Le

Aur Iski Amli Adat Daal Le Taaki Shaadi Ke Baad Apni Sasuraal Mein Nek Naami Ke Sath Zindagi Basar Kar Sake

Aur Maike Walon Aur Sasural Walon Ke Donon Ghar Ki Chahiti Aur Pyari Bani Rahe

Parde Ka Khaas Taur Par Khayal Aur Dhiyan Rakhe

Ghair Mahram Mardon Aur Ladkon Ke Samney Aane Jaane Taak Jhaank

Aur Hansi Mazaak Se Intehai Parhez Rakhe

Aashiqana Ash-aar Akhlaaq Ko Kharab Karne Wali Kitabon Aur Rasail Wa Akhbaraat Ko Harghiz Na Dekhe


Bad Kirdaar Aur Be Haya Aurton Se Bhi Parda Kare Yaani Unse Door Rahe

Aur Harghiz Kabhi Inse Mel Jol Na Rakhe
Khel Tamashon Se Door Rahe

Aur Mazhabi Kitaben Khususan Seerat-e ''MUSTAFA''

Wa Seerate Rasoole Arabi


Ulmae Ahle Sunnat Ki tasneefat Padhti rahe

Farz Ibadaton Ke Saath Nafli Ibadaten Bhi Karti Rahe

Masalan Tilawate Qura-an Wa Dini Masail ki
Kitabe Padhti Rahe Auraton ke Masail Ke lie
Ek Behtarin Kitab Hai "Jannati Zevar" Isme
Khas Tour Par Auraton ke Masail Hai
Ye Topic bhi Usi Kitab Se Likha Gaya hai
Is Kitab Me BohaT Achhi Taleem Hai
Aurat Ki Pedaish Se Lekar Uski Parwarish ki Saari Taleem Shadi shuda Zindagi Basar Karne ka Tareeqa Bachpan ki Taleem
Sabkuchh hai Is kitab me


Harghiz-Harghiz Bad Aqeedah Logon Ki Baat Na Sune

Aur Ahle Sunnat Wal Jama-at Ke Aqaid Wa Aamaal Par Nihayat mazbooti Ke Saath Qayam Rahe

Download👇👇
Jannati Jevar (hindi)
Jannati Jevar (urdu)

More Books👉 Books Download

Insha Allah Jald Hi Agle Part Post kia Jayega Visit Karte Rahe Rozana Aur Share bhi kare post



Ye bhi Padhen  ↓ ↓ ↓ ↓ ↓ ↓
► AURAT KYA HAI
► AURAT-iSLAAM-SE-PAHLE
► AURAT-ISLAAM-AANE-KE-BAAD
► AURAT-KI-ZINDAGI-KE-4-DAUR
► AURAT-KA-BACHPAN
► AURAT-JAB-BALIGH-HO-JAYE