AURAT ISLAAM SE PAHLE
Islaam Dunia Ka Sabse Purana Mazhab Hai Kyunki Pahle Insan Musalman The Saare Dunia Ke Maap Aadam Alaihissalam hai jo Ki Musalman the
Yahan Us Dour Ka Zikar Kia Ja Raha Hai
Jab Nabi-e-Kareem Sallallahu Alaihi Wasallam
Tasreef Nahi Laaye The Yaani Doure Jahiliyat Ka Zikar kia Jaega
Islaam Se Pahle Aurton Ka Haal Bahut Kharab Tha
Duniya Mein Aurton Ki Koi Izzat Wa Wuqat Hi Nahi Thi
Mardon Ki Nazar Mein Is Se Zyadah Aurton Ki Koi Haisiyat Hi Nahin Thi
Ki Woh Mardon Ki Nafsani Khwahish Puri Karne Ka Ek Khilauna Thi
Aurat Din Raat Mardon Ki Qism-Qism Ki Khidmat Karti Thin
Aur Tarah-Tarah Ke Kamon Se yahan Tak Ki Dusron Ki Mehnat Mazduri Kar ke Jo Kuch Kamati Thi Wo Bhi Mardon Ko De Diya Karti Thin
Magar Zalim Mard Fir Bhi In Aurton Ki Koi Qadr Nahin Karte The
Balki Janwaron Ki Tarah In Ko Maarte Pit Tey The
Zara-zara Si Baat Par Aurton Ke Kaan Naak Waghairah Azah Kaat Liya Karte They
Aur Kabhi Qatl Bhi Kar Dalte They
AURAT ISLAAM SE PAHLE
Arab Ke Log Ladkiyon Ko Zindah Dafan Kar Diya Karte They
Aur Baap Ke Marne Ke Baad Uske Ladkey Jis Tarah Baap Ke Samaan Jayedaad Ke Maalik Ho Jaya Karte They
Isi Tarah Apne Baap Ki Biwiyon Ke Maalik Ban Jaya Karte They
Aur In Aurton Ko Zabardasti Laundiyan Bana Kar Rakh Liya Karte They
Aurton Ko In Ke Maan Baap Bhai Bahan Ya Shauhar Ki Meeraas Mein Koi Hissa Nhin Milta Tha
Na Aurtein Kisi Chize Ki Maalik Hua Karti Thin
Arab Ke Baaz Qabilon Mein Ye Zalimana Dastoor Tha Ki Bewa Ho Jane Ke Baad
Aurton ko Ghar Se Bahar Nikaal Kar Ek Chhotey Se Tang Wa Tareeq Jhopdey Mein Ek Saal Tak Qaid Rakha Jata Tha
Woh Jhopdey Se Baahar Nahin Nikal Sakti Thin
Na Ghusl Karti Thin Na Kapdey Badal Sakti Thin
Khana Pani Apni Saari Zaruraten Isi Jhopdi Mein Pura Karti Thin
Bohat Si Aurten Toh Ghut Ghut Kar Mar Jaya Karti Thin
Aur Jo Zindah Bach Jaatin Ek Saal Baad Inke Aanchal Mein Oonth Ki Mengniyan Daal Di Jaati Thin
Aur Inko Majboor Kiya Jaata Tha Ki Woh Kisi Janwar Ke Badan Se Apne Badan Ko Ragdeyn
Fir Sare Shaher Ka Isi Libaas Mein Chakkar Lagayen
Aur Udhar Oonth Ki Mengniyan Fenkti Hui Chalti Rahen
Yeh Is baat Ka Elaan Hota Tha Ki In Aurton Ki Iddat Khatm Ho Gai
Isi Tarah Dusri Bhi Tarah-Tarah Ki Kharab Aur Taqleef Deh Rasmein Thin
Jo Ghareeb Aurton Ke Liye Musibataon Aur Balaon KI Pahad Bani Hui Thin
Aur Bechari Museebat Ki Mari Aurtein Ghut-Ghut Kar Aur
Ro-Ro Kar Apni Zindagi Ke Din Guzarti Thin
AURAT ISLAAM SE PAHLE
Hindustan Mein Toh Bewa Aurton Ke Saath Aise-Aise Dardnaak Zalimana Suluk Kiye Jate They
Ki Jin Ko Soch Kar Kaleja Munh Ko Aa Jata Hai
Hindu Dharm Mein Har Aurat Ke Liye Farz Tha Ki Woh
Zindagi Bhar Qism-Qism Ki Khidmatein Karke Pati Puja ( Shauhar Ki Puja ) Karti Rahe
Aur Shauhar Ke Marne Ke Baad Uski Chitaa Ki Aag Ke Sholon
Par Zindah Lait Kar Sati HoJaye
Yani Shauhar Ki Laash Ke Sath Zindah Aurat Bhi Jal Kar Raakh Ho Jaye
Gharz Puri Duniya Mein Zalim Beraham Mard Aurton Par
Aise -Aise Zulmo Sitam Ke Pahad Todte They
Ki In Zalimon Ki Dastaan Sun Kar Ek Dardmand Insaan
Ke Seeney Mein Ranjo Gham Se Dil Tukdey-Tukdey Ho Jata Hai
In Mazlum Aur Bekas Aurton Ki Majboori Wa Lachari Ka Yeh Aalam Tha
Ki Samaj Mein Na Aurton Ke Koi Huqooq They Na Inki
Mazlumiyat Par Daado Fariyad Ke Liye Kisi Qanoon Ka Koi Sahara Tha
Hazaron Baras Tak Ye Zulmon Sitam Ki Mari Ye Dukhyari
Aurtein Apni Is Be Kasi Aur Lachari Par Roti Bilbilati Aur Aansun Bahati Rahin
Magar Duniya Mein Koi Bhi In Aurton Ke Zakhmon Par Marham Rakhne
Wala Aur Inki Mazlumiyat Ke Aansuon Ko Ponchne Wala
Door-Door Tak Nazar Nahin Aata Tha
Na Duniya Mein Koi Bhi Inke Dukh Dard Ki Fariyad Sunne Wala tha
Na Kisi Ke Dil Mein In Aurton Ke Liye Baal Barabar Bhi Rahmo Karam Ka Jazba Tha
Aurton Ke Is Haale Zaar Par Insaniyat Ranjo Gham Se Bechain Aur Be Qarar Thi
Magar Iske Liye Iske Siwa Koi Charah Kaar Nahin Tha Ki Woh Rahmate Khudawandi Ka Intezar kare
Ki Arhamar-Rahimeen Ghaib Se Koi Aisa Saman PaidaFarma De
Ki Achanak Sari Duniya Mein Ek Anokha Inqelaab Namudaar Ho Jaye
Aur Lachar Aurton Ka Sara Dukh -Dard Door Ho Kar In Ka Beda Par Ho Jaye
Chunanchey Rahmat Ka Aaftaab Jab Tulu-a Ho Gaya
Toh Sari Duniya Ne Achanak Mahsus Kiya Ki
"JAHAN TAAREEQ THA ZULMAT QADA THA SAKHT KAALA THA
KOI PARDEY SE KYA NIKLA
KI GHAR-GHAR MEIN UJAALA THA"
Agli Post
Ye bhi Padhen ↓ ↓ ↓ ↓ ↓ ↓
► AURAT KYA HAI
► AURAT-ISLAAM-AANE-KE-BAAD
2 Comments
meri biwi bahot nek or paband he vo 5 waqt ki namaz pabandi ke saath padhti he aur quran ki tilavat bi der rat tak karti he vo bahut dharmik he vo apne sohar ko wqt nahi de pati ab is masle me use kuch bi keh nahi sakta vo mere sath bistar bi ser nahi karti aur pabandi se namaz padhti he to ese me me kya karu ke vo muje wqt de paye ky islam me sohar ko naraz karke khuda ki bandagi ki ja sakti he
ReplyDeleteSabse Zyada Aurat Par Haq Uske Shouhar ka hai
ReplyDeleteEk Hadees me likha hai ki Aurat Pahle Apne Shouhar Ka Haq Adaa Kare Nafli Roze Namaz Ke lie Shouhar ko Naraz Karna jaiz Nahi Pahle Shouhar ka Haq Zaroori
Niche Comment Box Me Aapki Raaye Likhe