Ghusal Kab Farz Hota Hai Aur Hum Napaak kin kin chizo se hote hai

Suwal: Ghusal Kab Farz Hota Hai Aur Hum Napaak kin kin chizo se hote hai ?

Jawab :- Jawab Sunne Se Pahle Ye Bhi Zaroor Jaan Lein Ki In Masail Ka Janna Sabhi Mard Aurat Ke Liye Ye Farz Hai Ki Paaki Naapaki Ke Masail

Sikhe Uske Zaruri Masail Sikhna Har Mard Aur Aurat Par Farz Hai

Aaiye Ab Jante Hai Ki Ek Mard Ya Aur Kab Napaak Hote Hai Aur Kin Kin Shuraton Me Ghusal Farz Hota Hai Aur Kisme Nahi Hota

Ghusal Jab Farz/Wajib Hota Hai Jab Ye 5 Chizen Paayi Jayen

1 - Mani Ka Apni Jagah Se Shehwat (Sex) Ke Sath Nikalna Isse Ghusal Wajib Ho Jaata Hai

Jaise:- Kise Ne Gande Khyaalat Ya Koi Gandi Video Dekhi Fir Apne Hi Hath Se (Ma'az Allah) 

Mani Nikali To Us Shakhs Par Ghusal Farz Ho Gya

Aur Agar Ye Mani Shehwat Ke Sath Jhatke Ke Sath Nahi Nikli Bas

Gandi Chizon Ke Dekhne Ki Wajah Se Qatra Ya Safeed Pani Nikla Aur Uska Nikalna Maloom bhi Nahi Hua To Wo Mani Nahi Yani Fir Aap Par Ghusal Wajib Nahi Hua

2 - Ehtilaam (Nightfall) :- Sote Me Mani Ka Nikalna Isse Bhi Ghusal Wajib Ho Jaata Hai Lekin Isme Ye Shart Hai Ki Kapdon Par Nishan Paya Jaye

Agar Ehtilaam Hona Yaad Hai Ya Khwaab Yaad Hai Magar Kapdon Par Mani Ka Nishaan koi bhi Nahi Mila To Ghusal Wajib Nahi

Kyunki Aksar Khwab Me Dikhta Hai Lekin Haqeeqat Me Aapke Jism Se Koi Mani Nahi Nikli hoti hai

3 - Dukhul :- Yani Koi Mard Apne Penis(Gupt Ang) Ko Kisi Aurat Ki Sharmgaah (Vagina) Me Ya Peeche Se (Bum) Me Dakhil Kare 

Ya Mard Mard Ke Pichhe Ke Mukaam Me Sex Kare In Shuraton Me Ghusal Wajib Ho Jaata Hai Aur Ye Kaam Haraam Hai

Aur Dono Par Ghusal Wajib Hoga Chahe Mani Nikle Ya Na Nikle

Note: Aurat Ke Pichhe Ke Muqaam Me Shohbat(Sex) Karna Haraam Hai Shadi Shuda Mard Ke Liye Bhi

4 - Haiz (Periods) :- Jab Aurat Ke Periods Khtam Ho Jaye Aur Wo Haiz Se Faarig Hojaye Tab Usko Ghusal Karna Wajib Hai

5 - Nifas :- Jab Kisi Aurat Ko Bachcha Paida Hota Hai Uske Baad Jo Khoon Aata Hai Usko Nifas Kehte Ye Kisi Kisi Ke To Ye Jald Hi Ruk Jaata Hai Par Kisi Kisi Ko Kaafi Din Tak Aata Hai Iski Zyada Se Zyada Muddat 40 Din Hai Isse Zyada Nahi Iske Rukne Ke Baad Aurat Ke Liye Ghusal Karna Wajib Ho Jata Hai

• Wuzu Ka Tareeqa in Urdu
• Ghusal Ka Tarika Book In Hindi, Urdu, Roman, English
• Kya Gusl Ke Waqt Kalma Na Padhne Se Paak Nahi Hote?

Zaroori Hidaayat 

Ye Sab Batein Jo Aapko Batayi Gayi Hai Ye Sab Islamic Masail Hai Jo Ki Hamen Sikhate Hai Ki Hum Kab Napaak Ho Jate Hai Aur Kab Ghusal Farz, Wajib Hota Hai

Aksar Baz Log Sharm Se In Sabhi Baton Ko Na Hi Kisi se Poochte Hain Aur Na Hi Thik Se Koi Batata Hai

Isme Koi Gandi Ya Besharmi Ki Baat Nahi Likhi Gayi Hai Isliye In Masail Ko Apne Dost Ahbab Aur Jo Balig Hai Unko Share Zaroor Kare Taki Wo Bhi In Sab Baton ko Sikhen Jo Ki Islam Ka Hissa Hain

Masail Sikhne Me Logon Ko Allah Ta'ala Ka Ye Farmaan Jo Ki Quraan Me Moujood Hai Yaad Rakhna Chahiye

Quraan :

Aur Allah Haq Farmane Me Nahi Sharmata

(Surah Al-Ahzab Aayat 53)