17 जन॰ 2017

AURAT KA BACHPAN

AURAT KA BACHPAN Uski Taleem

AURAT KA BACHPAN


Aurat Bachpan Mein Apne Maan Baap Ki Pyari Kahlati Hai

Is Zamane Mein Jab Woh Nabaligh Bachchi Rahti Hai

Shariyyat Ki Taraf Se Na Us Par Koi Chize Farz Hoti Hai

Na Us Par Kisi Qism Ki Zimme Dariyon Ka Koi Bojh hota Hai

Woh Shariyyat Ki Pabandiyon Se Bilkul Azad Rahti Hai

Aur Apne Maan Baap Ki Pyari Ladli Beti Bani Hui

Khati Peeti Pahenti Odhti Aur  Hansti Khelti Rahti Hai

Aur Woh Is Baat Ki Haqdar Hoti Hai Ki Maan Baap Bhai Bahan

Aur Sab Rishtey Nate wale Us Se Pyar Wa Muhabbat Karte Rahein

Aur Uski Dil Bastagi Aur Diljoi Mein Lagey Rahein

Aur Uski Sihuhat Wa Safai Aur Uski Aafiyyat Aur Bhalai Mein

Har Qism Ki Intehai Koshish Karte Rahein

Taki Woh Har Qism Ki Fikron Aur Ranjon Se Farighul Baal

Aur Har Waqt Khush Wa Khurram Aur Khush Haal Rahey



Ladki Ki Taleem Kab Shuru Karen

Jab Woh Kuch Bolne Lage Toh Maan Baap Par Lazim Hai

Ki Usko ''ALLAH'' Wa RAsool
( Sallallahu Alaihi Wasallam )
Ka Naam Sunayen

Fir Usko Kalimah Waghairah Padhayein

Jab Woh Kuch Zyadah Samajhdar Ho Jaye Toh

Usko Safai Suthrai Ke Dhang Aur Saleeqe Sikhaein

Usko Nihayat pyar Wa Muhabbat Aur Narmi Ke Saath

Insani Sharafaton Ki Baatein Bataein

Aur Achchi Baaton Ka Shauq Aur Buri Baton Se Nafrat Dilaen

Jab Padhne Ke Qabil Ho Jaye Toh Sabse Pahle Usko Qura-an
Shareef Padhayein


Jab Kuch Aur Zyadah Hoshiyar ho Jaye Toh

Usko Paaki Wa Na Paaki Wuzu Wa Ghusl Ka Tariqa Batayen

Aur Har Baat Har Kaam Mein Usko Islaami Aadaab Se Aagah Karte Rahen

Jab Woh 7 Baras Ki Ho Jaye Toh

Usko Namaz Waghairah

 Zaruritate Deen Ki Baatein Taaleem Karein

Aur Parde Mein Rahne Ki Aadat Sikhaen

Aur Bartan Dhone Khane Pine Sine Pirone

Aur Chote Mote Gharelu Kaamon Ka Hunar Bataein

Aur Amli Taur Par Us Se Ye Sab Kaam Lete Rahein

Aur Uski Kahili Aur Be Parwai Aur Shararaton Par Rok Tok Karte Rahein

Aur Kharab Aurton Aur Badchalan Gharanon Se Mel Jol Par Pabandi Laga Dein

Aur Un Logon Ki Sohbat Se Bachate Rahein

Ashikane Ash-ar Aur Aashiqui Mashuqui Ke Mazamin Ki Kitabon Se
Gane Bajane Aur Khel Tamashon Se Use Door Rakhein

Taaki Bachchon Ke Akhlaaq Wa Aadaat Aur Chaal Chalan Kharab Na Ho Jayen

Jab Tak Bachchi Baaligh Na Ho Jaye

In Baaton Ka Dhyan Rakhna Har Maan Baap Ka Islaami Farz Hai

Agar Maan Baap Apne In Faraiz Ko Poora Na Karenge
 Toh Woh Sakht Gunahgaar Honge

Insha Allah Jald Hi Agla Part Post kia Jayega Visit Karte Rahe Rozana Aur Share bhi kare post