SHAUHAR KE HUQOOQ


SHAUHAR KE HUQOOQ


''ALLAH'' Ta-ala ne Shauharon Ko Biwiyon Par Haakim Banaya Hai

Aur Bahut Badi Buzurgi Di Hai

Is Liye Har Aurat Par Farz Hai Ki Woh Apne Shauhar Ka Huqm Mane

Aur Khushi-Khushi Apne Shauhar Ke Har Huqm Ki Tabe Dari Kare

Kyunki ''ALLAH'' Ta-ala Ne Shauhar Ka Bahut Bada Haq Banaya Hai

Yaad Rakho Ki Apne Shauhar Ko Razi Wa Khush Rakhna Bahut Badi Ibadat Hai

Aur Shauhar Ko Na Khush Aur Naraz Rakhna Bahut Bada Gunah Hai

Rasool Allh ( Sallallhu Ta-ala Alaihi Wasallam ) Ne Farmaya Ki

Agar Main Khuda Ke Siwa Kisi Dusre Ke Liye Sajdah Karne Ka Huqm Deta

Toh Main Aurton Ko Huqm Deta Ki Woh Apne Shauharon Ko Sajdah Kiya Karen
(Tirmizi Sharif Vol 2 page 386)

Aur Rasool Allah ( Sallallahu Alaihi Wasallam ) Ne Ye Bhi Farmaya Hai

Ki Jis Aurat Ki Maut Aisi Halat Mein Aae

Ki Marte Waqt Uska Shauhar Us Se Khush Ho

 Toh Woh Aurat Jannat Mein Jayegi
 (Sunan Ibne Majah Vol 2 page 412)

Aur Ye Bhi Farmaya

Ki Jab Koi Mard Apni Biwi Ko Kisi Kaam Ke Liye Bulaye

Toh Woh Aurat Agar Chulhe Ke Paas Baithi Ho

Usko Lazim Hai Ki Woh Uth Kar Shauhar Ke Paas Chali Aaye
(Tirmizi Sharif Vol 2 page 386)

Hadees Shareef Ka Matlab Ye Hai Ki

Aurat Chahe Jitne Bhi Zaruri Kaam Mein Masghul Ho

Magar Shauhar ke Bulane

Par Sab Kaamon Ko Chod Kar Shauhar Ki Khidmat Mein Hazir Ho Jaye

Aur Rasool Allah ( Sallallahu Alaihi Wasallam ) Ne Aurton Ko Ye Bhi Huqm Diya Ki

Agar Shauhar Apni Aurat Ko Ye Huqm De Ki

Piley Rang Ke Pahad Ko Kaale Rang Ka Bana De

Aur Kaale Rang Ke Pahad Ko Safed Bana De

Toh Aurat Ko Apne Shauhar Ka Ye huqm Bhi Baja Lana Chahiye
(Sunan Ibne Majah Vol 2 page 411)

Hadees Ka Matlab Ye Hai Ki

 Mushkil Se Mushkil Aur Dushwar se Dushwar Kaam Ka Bhi Agar Shauhar Huqm De

 Toh Jab Bhi Aurat Ko Shauhar Ki Nafarmani Nahin karni achahiye

Balki Us Ke Har Huqm Ki Farma Bardari Ke Liye

Apni Taqat Bhar Kamar Basta Rahna Chahiye


Aur Rasool Allah ( Sallallahu Ta-ala Alaihi Wasallam) Ka Ye Bhi Farman Hai Ki

Shauhar Biwi Ko Apne Bichaune Par Bulaye Aur Aurat Aane Se Inkaar Kar De

Aur Uska Shauhar Is Baat Se Naraz Ho Kar So Jaye

Toh Raat Bhar Khuda Ke Farishtey Us Aurat Par Lanat Karte Hain
(Sahih Muslim Kitabul Nikaah Page 753)

Pyari Bahnon! In Hadison Se Sabaq Milta Hai Ki Shauhar Ka Bahut Bada Haq Hai

Aur Har Aurat Par Apne Shauhar Ka Haq Ada Karna Farz Hai

Shauhar Ke Huqooq Bahut Ziyadah Hain

In Mein Se Nichey Likhey Hue Chand Huqooq Bahut Ziyadah Qabile Lihaaz Hain

SHAUHAR KE HUQOOQ

SHAUHAR KE HUQOOQ


(1) Aurat Baghair Apne Shauhar Ki Ijazat Ke Ghar Se Kahin Bahar Na Jaye

Na Apne Rishtey Daron Ke Ghar Na Kisi Dusre Ke Ghar

(2) Shauhar Ki Ghair Maujudgi Mein Aurat Par Farz Hai

Ki Shauhar Ke Makaan Aur Maalo Saman Ki Hifazat Kare

Aur Baghair Shauhar Ki Ijazat Kisi Ko Bhi

Na Makaan Mein Aane De

Na Shauhar Ki Koi Choti Badi Chize Kisi Ko De

(3) Shauhar Ka Makaan Aur Maal Wa Saman Yeh Sab Shauhar Ki Amanatein Hain

Aur Biwi in Sab Chizon Ki Ameen Hai

Agar Aurat Ne Apne Shauhar Ki Kisi Chiz Ko Jan Bujh Kar Barbad Kar Diya

Toh Aurat Par Amanat Mein Khayanat Ka Gunah Lazim Hoga

Aur Is Par Khuda Ka Bahut Bada Azaab Hoga

(4) Aurat Harghiz-Harghiz Koi Aisa Kaam Na Kare Jo Shauhar Ko Na Pasand Ho

(5) Bachchon Ki Nigahdasht unKi Tarbiyyat Aur Parwarish

Khususan Shauhar Ki Ghair Maujudgi Mein Aurat Ke Liye Bahut Bada Farizah Hai

(6) Aurat Ko Lazim Hai Ki Makaan Aur Apne Badan

Aur Kapdon Ki Safai Suthrai Ka Khas Taur Par Dhyan Rakhey

Fuhad Maili Kuchaili Na Bani Rahe Balki Banaw Singhar Se Raha Kare

Taaki Shauhar Is Ko Dekh Kar Khush Ho Jaye

Hadees Shareef Mein Hai Ki Behtarin Aurat Woh Hai

Ki Jis Ka Shauhar Us Ki Taraf Dekhe Toh Woh Apne Banaw Singhar

Aur Apni Adaon Se Shauhar Ka Dil Khush Kar De

Aur Agar Shauhar Kisi Baat Ki Qasam Kha le

Toh Woh Us Qasam Ko puri Kar De

Aur Agar Shauhar Ghayeb Rahe Toh Woh Apni Zaat

Aur Shauhar Ke Maal  mein Hifazat

 Aur Khair Khwahi Ka Kirdar Ata Karti Rahe

( Sanan Ibne Majah Kitab Fin'nikah Baab Fazlun Nisaa Vol 2 Page 414 )


Ye bhi Padhen  ↓ ↓ ↓ ↓ ↓ ↓
► AURAT KYA HAI
► AURAT-iSLAAM-SE-PAHLE
► AURAT-ISLAAM-AANE-KE-BAAD
► AURAT-KI-ZINDAGI-KE-4-DAUR
► AURAT-KA-BACHPAN
► AURAT-JAB-BALIGH-HO-JAYE
► AURAT-SHADI-KE-BAAD

Post a Comment

6 Comments

  1. Ajkl kaha koi itni izzat krta hai apne shauhr Ki sab ulta hi hota hai

    ReplyDelete
    Replies
    1. Shariyat par amal karna sabhi ke lie farz hai

      Delete
  2. hamare number par koi massege nahi deene raah ka

    ReplyDelete
    Replies
    1. Aap hamare no. Par msg karen join likhkar aapko msg milne lagenge whats app psr

      Delete
  3. apke sare masail hame whatsapp ya msg me cahiye

    ReplyDelete
    Replies
    1. Niche Whats App no. Dia hua hai uspar join karen

      Delete

Niche Comment Box Me Aapki Raaye Likhe