16 जुल॰ 2016

TAYAMMUM KARNE KA MUKAMMAL AUR SAHI TARIQA

TAYAMMUM KARNE KA MUKAMMAL AUR SAHI TARIQA

TAYAMMUM KARNE KA MUKAMMAL AUR SAHI TARIQA


Agar Kisi Wajah Se Pani Ke Istemal Par Qudrat Na Ho
Toh Wuzu Aur Ghusl Donon Ke Liye Tayammum Kar Lena Jayez Hai

Maslan Aisi Jagah Ho Ki Jahan Charon Taraf Ek Meel Tak Paani Ka Pata Na Ho
Ya Paani Toh Qareeb Me Hi Ho Magar Dushman Ya Darinda Janwar Ke Khauf

Ya Kisi Dusri Wajah Se Pani Na Le Sakta Ho
Ya
Pani Ke Istemal Se Bimari Badh   Jane Ka Andesha Aur Ghumane Ghalib(Pakka Yaqeen) Ho

To In Shuraton Me Bajaye Wuzu Aur Ghusl Ke Tayammum Karna Hi Tariqa Hai
( Fatawah Hindiyah Kitabul Taharat Jild 1)


Ye bhi Padhen  ↓ ↓ ↓ ↓ ↓ ↓
° Namaz Ka Tareeqa
° Ghusal-Ka-Tareeqa
° Wuzu-Ka-Tareeqa



 TAYAMMUM KA TARiQA



Tayammum Ka Tariqa Yeh Hai Ki   BISMILLAH. Padh Kar Pahle Dil Mein Tayammum Ki Niyyat Kare

Aur Zuban Se Bhi Kah De Ki
Me Paak hone ki Niyyat Se tayammum Karta  hoon
Tayammum me Niyat Karna
Farz hai
Dil me Tayammum Ka iraada hona
Zaruri hai

Fir Donon Hathon Ki Ungliyon Ko Kushadah(Dhila) Kar Ke Zameen Ya Deewar Par Donon Hathon Ko Mare

Fir Donon Hathon Ko Pure Chehre Par Is Tarah Firaye

Ki Jahan Tak Wuzu Mein Chehra Dhona Farz Hai

Pure Chehre Par Har Jagah Hath Fir Jaye

Aurat Agar Naak me Ring Ya Nath Pahne Ho Toh Is Ko Hata Kar Iske Niche Ki Khaal Par Hath Firaye

Fir Dobarah Donon Hathon Ko Zameen Ya Deewar Par Mar Kar Apne Dahine Hath Ko Bayen Hath Par

Aur Bayen Hath Ko Dayen Hath Par Rakh Kar

Donon Hathon Par Kohniyon Samet Hath Firayen

Aur Jahan Tak Wuzu Mein Dono Hatho Ka Dhona Farz Hai Wahan Tak Hath Ke Har Hisse Par Hath Fir Jaye

Agar Hathon Mein Chudiyan Ya Koi Zewar Pahne Hue Ho Toh

Zewar Ko Hata Kar Iske Niche KI Khaal Par Hath Firaye

Agar Chehrah Aur Donon Hath Par Baal Barabar Jagah Par Bhi Hath Nahin Firaya Toh Tayammum Nahin Hoga

Is Liye Khas Taur Par Is Ka Dhiyan Rakhna Chahiye Ki Chehre Aur Donon Hathon Par Har Jagah Hath Firayen
( Fatawah Hindiyah Kitabul Taharat Jild 1 Page 25-26 )


Ye bhi Padhen  ↓ ↓ ↓ ↓ ↓ ↓
 ° Magrib-Aur-Ishaa-ki-Namaz-Ka-Time Kabtak
° Namaz me Takbir Khade Hokar Sunna Kaisa
° Namaz Ki Sharton Ka Bayaan

 TAYAMMUM KE FARAIZ
 


Tayammum mein teen chizen farz hain

(1) Tayammum Ki Niyyat

(2) Poore Chehre Par Hath Firana

(3) Kohniyon Samet Donon Hathon Par Hath Firana



TAYAMMUM KI SUNNATEIN


10 Chizen Tayammum Mein Sunnat Hain

(1) BISMILLAH. Padhna

(2) Hathon Ko Zameen Par Marna

(3) Hathon Ko Zameen Par Mar Kar Agar Ghubar Zyadah Lag Gaya Ho Toh Jhadna

(4) Zameen Par Hath Mar Kar Hathon Ko Laut Dena

(5) Pahle Munh Par Hath Firana

(6) Fir Hathon Par Hath Firana

(7) Chehrah Aur Hathon Par Lagatar Hath Firana
Aisa Na Ho Ki Chehre Par Hath Fira Kar Fir Der Ke Bad Hathon Par Hath Firaye

(8) Pahle Dayen Fir Bayen Hath Par Hath Firana

(9) Ungliyon Se Dadhi Ka Khilal Karna

(10) Ungliyon Ka Khilal Karna Jab Ki In Mein Ghubar Bhar Gaya Ho
( Durre Mukhtar Mae Radul Mohtar Kitabul Taharat Jild 1 Page 438-439 )

                    MAS-ALA
              ----------------------------

Mitti Rait Patthar Gairu Wagairah

Har Us Chize Se Tauammum Ho Sakta Hai Jo Zameen Ki Jins Se Ho

Loha Peetal Kapda Ranga Tamba Lakdi Wagairah Se Tayammum Nahin Ho Sakta
Jo Zameen Ki Jins Se Nahin Hain

Yaad Rakho Ki Jo Chize Aag Se Jalkar Na Raakh Hoti Hai

Na Pighalti Hai Woh Zameen Ki Jins Hai

Jaise Mitti Waghairah

Aur Jo Chize Aag Se Jal Kar Raakh Ho Jaye Ya Pighal Jae

Woh Zameen Ki Jins Se Nahin Jaise Lakdi Aur Sab Dhatein
( Fatawah Hindiyah Kitabul Taharat Jild 1 Page 26 )

                   MAS-ALA
            -------------------------------



Ye bhi Padhen  ↓ ↓ ↓ ↓ ↓ ↓
 ° Eimaan-Wa-Aqeede-Se-Zyada-Amal-Ko Ahmiyat Dena
° FILMi GAANON ME KUFRIYAAT
° Allah-Taala-ko-Upar-Wala-kehna-kaisa-hai


Raakh Se Tayammum Jayez Nahin
( Fatawah Hindiyah Kitabul Taharat Jild 1 Page 28 )


                    MAS-ALA
              -----------------------------

Gach Ki Deewar Aur Pakki Eint Se Tayammum Karna Jayez Hai

Agarchey In Par Ghubar(Mitti) Na Ho

Isi Tarah Mitti Patthar Waghairah Par Bhi Ghubar ho Ya Na Ho Bahar Haal Tayammum Jayez Hai
( Fatawah Hindiyah Kitabul Taharat Jild 1 Page 26-27 )


                  MAS-ALA
             ---------------------------

Masjid Mein Soya Tha  Aur Nahane Ki Hajat Ho Gai

Toh Fauran Hi Tayammum Kar Ke Jald Masjid
Se Nikal Jaye
( Raddul Muhtar Kitabul Taharat Baab Tayammum Jild 1 Page 458 )


                    MAS-ALA
                 -----------------------

Kisi Wajah Se Namaz Ka Waqt Itna Tang Ho Gaya

Ki Agar Wuzu Kare Toh Namaz Qazah Ho Jayegi Toh Chahiye Ki Tayammum Kar Ke Namaz Padh Le

Fir Lazim Hai Ki Wuzu Kar Ke Is Namaz Ko Dohrae
(Radul Muhtar Kitabul Taharat Baab Tayammum Jild 1 Page 461-462 )

                   MAS-ALA
                -----------------------

Agar Pani Maujud Ho Toh Quraane Majeed Ko Chune

Ya Sajdaye Tilawat Ke Liye Tayammum Karna Jayez Nahin
Balki Wuzu Karna Zaruri Hai
( Durre Mukhtar Kitabul Taharat Baab Tayammum Jild 1 Page 458 )

                 MAS-ALA
               --------------------

Jis Jagah Se Ek Shakhs Ne Tayammum Kiya Usi Jagah Se Dusra Bhi Tayammum Kar Sakta Hai
( Fatawah Hindiyah Kitabul Taharat Jild 1 Page 31 )



               MAS-ALA
           -----------------------

Awaam Mein Jo Yeh Mash Hoor Hai Ki Masjid Ki Deewar

Ya Zameen Se Tayammum Najayez Ya Makruh Hai Yeh Ghalat Hai

Masjid Ki Deewar Aur Zameen Par Bhi Tayammum Bila Karahat Jayez Hai
( Bahare Shariyat  Jild 1 Hissa 2 Bayane Tayammum Page 70 )

                   MAS-ALA
                ----------------------

Tyammum ke Liye Hath Zameen Par Mara Aur Chehra Aur Hathon Par Hath Firane Se Pahle Hi Tayammum Tutne Ka Koi Sabab Paya Gaya

Toh Is Se Tayammum Nahin Kar Sakta

Balki Isko Lazim Hai Ki Dobarah Hath Zameen Par Mare
( Fatawah Hindiyah Kitabul Taharat Jild 1 Page 26 )

                   MAS-ALA
               -----------------------

Jin Chizon Se Wuzu Tootta Hai

Ya Ghusl Wajib Hota Hai In Se Tayammum Bhi Jata Rahega

Aur Inke Alawah Pani Ke Istemal Par Qadir Ho Jane Se Bhi Tayammum Toot Jayega
( Fatawah Hindiya Kitabul Taharat Jild 1 Page 29 )


New Message Apke Email Par Paane Ke Liye Subscribe Karen
Uske baad Apki Email Check kare Ek msg Ayega Uspar Click Kerke
Conform Karen Fir Apko Message Milna Shuru
Hojayenge


Aapko hamari Post kaise lagti
hai Comment box me Zaroor likhe
aur Is Post ko Like Share Karna Na bhoole

For More Msgs Click This Link
            www.diniraah.in
 
Baraye Karam Is Paigham ko Share kijiye
ALLAH Apko iska Ajar-e-Azeem Zaroor dega AAMEEN

●●►jazakALLAH khairan◄●●

╠ ♥ PLEASE SHARE ♥ ╣