4 जून 2016

Wuzu Ka Tareeqa in Urdu



       

        Wuzu Ka Tareeqa in Urdu

       


WUZU Karne Wale Ko Chahiye Ki Apne Dil Me Wuzu Ka Pakka irada Kar Ke Qibla Ki Taraf Munh Kar Ke Kisi Oonchi Jagah Baithe


Aur ( BISSMILLA HIR'RAHMANIR RAHEEM ) Padh Kar Pahle Donon Haath Teen Martaba Gatton Tak DhoYe


Fir Miswaak Kare

Agar Miswaak Na Ho Toh Ungli Se Apne Daanton Aur Masudhon Ko Mal Mal Kar Saaf Kare Aur Agar Daaton Aur Talu Me Koi Chiz Atki Ya Chipki Ho Toh Usko Miswaak Ya Ungli Ya Khilal Se Nikale Aur Chhudaye


Fir Teen Martaba Kulli Kare Aur Agar Rozedar Na Ho Toh Garahra Bhi Kare Lekin Agar Rozedar Hai Toh Garahra Na Kare Ki Halaq Ke Andar Pani Chale Jane Ka Khatra Hai


Fir Dahine Hath Se Teen Dafa Naak Me Pani Chadhaye aur Bayen Hath Se Naak Saaf Karen


Fir Donon Hathon Me Pani Lekar Teen Martaba Is Tarah Chehrah Dhoye Ki Mathe Par Baal Jamne Ki Jagah Se Lekar Thodhi Ke Niche Tak


Aur Dahine Kaan Ki Lau Se Bayen Kaan Ki Lau Tak Sab Jagah Paani Bah Jaye Aur Kahin Zara Bhi Paani Bahne Se Na Rah Jaye


Agar Daadhi Ho Toh Ise Bhi Dhoyen Aur Daadhi Men Ungliyon Se Khilal Bhi Kare Lekin Agar Ehraam Bandhe Ho Toh Khilaal Na Kare


Fir Teen Martaba Kohni Samet Yani Kohni Se Kuchh Upar Dahina Hath Dhoyen Fir Isi

 Tarah Teen Martaba Bayan Hath Dhoyen


Agar Ungli Me Tang Anguthi Ya Challa Ho Ya Kalaiyon Me Tang Chudiyan Hon Toh In Sabhon Ko Hila Kar Dhoye Taaki Sab Jagah Paani Bah Jaye


Fir Ek Baar Sar Ka Masah Kare

Iska Tariqa Ye Hai Ki Donon Hathon Ko Paani Se Tar Kar Ke

Anguthe Aur Kalme Ki Ungli Chhod Kar Donon Hathon Ki Teen Teen Ungliyon Ki Nok Ko Ek Dusre Se Milayen


Aur In 6 Ungliyon Ka Pet Apne Mathe Par Rakh Kar Pichhe Ki Taraf Sar Ke Akhiri Hisse Tak Le Jaen Aur Woh Is

Tarah Ki Kalime Ki Donon Ungliyan Aur Donon Anguthe Aur Donon Hatheliyan Sar Se Na Lagne Payen


Fir Sar Ke Pichle Hisse Se Hath Mathe Ki Taraf Is Tarah Layen Ki Donon Hatheliyan Sar Ke Dayen Bayen Hisse Par Hoti Hui Mathe Tak Wapas Aa Jayen

Fir Kalme Ki ungli Ke Pet Se dono
Kanon Ke Andar Ke Hisson Ka Aur Anguthe Ke Pet Se Kaan Ke Upar Ka Masah Karen Aur Ungliyon Ki Peeth Se Gardan Ka Masah karen

Fir Teen Martaba Dahina Paon(leg) Takhne Samet Yani Takhne Se Kuchh Upar Tak Dhoyen Fir Bayan Paon Isi Tarah Teen Dafa Dhoyen

Fir Bayen Hath Ki Unguliyon Se Donon Pairon Ki Ungliyon Ka Is Tarah Khilal Kare Ki Pair Ki Dahini Ungli Se Shuru Kare Aur Bayen Unguliya Par Khatam Kare

Wuzu Kar Lene Ke Baad Ek Martaba Yeh Dua Padhe
( ALLAHUMMAJ ALNI MINAT TAWWABINA WAJ ALNI MINAL MUTA TAHERINA)
Aur Khade Hokar Wuzu Ka Bacha Hua Pani Thoda Sa Pi  Len Ki Yeh Bimaryon Se Shifa Hai

Behtar Yeh Hai Ki Wuzu Me Har Uzoo(parts) Ko Dhote Hue
(Aaoozu Billah Aur BISMILLAH ) poori Padh Liya Kare

Aur Durood Sharif Wa Kalimaye Shahadat Bhi Padhta Rahe
Aur Yeh Bhi Behtar Hai Ki Wuzu Poora Kar Lene Ke Baad Asman Ki Taraf Munh Kar Ke
( SUBHANAKALLAHUMMA WA BEHAMDIKA ASH'HADU ALLA ILAAHA ILLA ANTA ASTAGH FIRUKA WA ATUBU ILAIKA )
(Durre Mukhtar wa Raddul Mohtar kitabus Salat jild 1 page 275)

Aur Sureh ( INNA ANZALNA ) Padhe Magar In Duaon Ka Padhna Zaruri Nahin
Padh Le Toh Achha Aur Sawab Hai Na Padhe Toh Koi Harj Nahin,


>Upar jo Bayaan hua hai Yeh Wuzu karne ka tarika hai
Lekin Yaad Rakho ki Wuzu me
Kuchh chizen Aisi hain

Jinke chhotne ya inme kuchh Kami
Ho jaane Se Wuzu Na hoga
Aur kuchh baten Sunnat hai
jinko Agar Chhod dia jae To Gunah hoga

Aur kuchh chize Mustahab hai
jinke chhod dene se Wuzu
ka sawab kam ho jaata hai


Ye bhi Padhen  ↓ ↓ ↓ ↓ ↓ ↓
° Namaz Ke MasaiL
° Ramzano ke MasaiL
° Nikah Ke Masail
° Auraton Ke MasaiL



WUZU ME KITNE FARZ HAI


Wuzu me 4 Chizen Farz Hain


( 1 ) Poore Chehrey Ko Ek Baar Dhona


( 2 ) Ek Ek Bar Donon Hathon Ka Kohniyon Samet Dhona


( 3 ) Ek Bar Chauthai Sar Ka Masah Karna Yani Geela Hath Sar Par Fer Lena


( 4 ) Ek Bar Takhnon Samet Donon Pairon Ka Dhona


MASALA-
Wuzu Ya Ghusal Me Kisi Uzoo(hisse) Ko Dhone Ka Matlab Yeh Hai Ki Jis Uzoo Ko Dhowe Us Ke Har Hisse Par Kam Se Kam Do Boond Pani Bah Jaye

Agar Koi Hissa Bheeg Toh Gaya Magar Us Par Pani Nahi Baha Toh Wuzu Ya Ghusal Nahin Hoga

Bahut Se Log Badan Par Paani Dal Kar Hath Fira Kar Badan Par Paani Chupad Lete Hain

Aur Samajh Lete Hain Ki Badan Dhul Gaya
Yeh Ghalat Tariqa Hai
Badan Par Har Jagah Pani Ka Kam Se Kam Do Boond Beh Jana Zaruri Hai


Aur Masah Karne Ka Yeh Matlab Hai Ki Geela Hath Fair Liya Jaye

Sar Ke Masah Me Baaz Jahilon Ka Yeh Tariqa Hai Ki Masah Ke Liye Hathon Me Paani Lekar Is Ko Chumte Hain

Fir Masah Karte Hain
Ye Ek Galat Tarika Hai Masah Me Geela Hath Sar Par Fer Lena Chahiye


Ye bhi Padhen  ↓ ↓ ↓ ↓ ↓ ↓
 ° Dood Pite Bachcho Ka Peshab Paak ya Napaak
° Zinaa Kya Hai
° Haabeel Aur Qabeel ka Qissa
° Ek Mobile Me 2 Whats App


WUZU KI SUNNATEN


 Wuzu Me Solah Chizen Sunnat Hain

( 1 ) Wuzu Ki Niyyat Karna

( 2 ) BISSMILLAH
بِسْمِ اللَّهِ الرَّحْمَٰنِ الرَّحِيمِ
Poori  Padhna

( 3 ) Pahle Donon Hathon Ka Teen Dafa Dhona

( 4 ) Miswak Karna

( 5 ) Dahine Hath Se Teen Martaba Kulli Karna

( 6 ) Dahine Hath Se Teen Martaba Naak Me Pani Chadhana

( 7 ) Bayen Hath Se Naak Saaf Karna

( 8 ) Dadhi Ka Ungliyon ka Khilaal Karna

( 9 ) Hath Paoon Ki Ungliyon Ka Khilaal Karna

( 10 ) Har Hisse Ko Teen Teen Bar Dhona

( 11 ) Poore Sar Ka Ek Bar Masah Karna

( 12 ) Tarteeb Se Wuzu Karna

( 13 ) Dadhi Ke Jo Baal Munh Ke Daire Ke Niche Hain In Par Gila Hath Fira Lena

( 14 ) Aaza(parts) Ko Lagatar Dhona Ki Ek Uzoo(parts) Sukhne Se Pahle Hi Dusre Uzoo Ka Dho Lena

( 15 ) Kaanon Ka Masah Karna

( 16 ) Har Makruh Baat Se Bachna


Ye bhi Padhen  ↓ ↓ ↓ ↓ ↓ ↓
° Namaz Ki Sharton Ka Bayaan
° Salatut-tasbih-ki-Namaz Ka Tarika
° Farz,Wajib,Sunnat,Makruh,kya hai


WUZU KE MUSTAHBAT


Wuzu Me Jo Chizen Mustahab Hain Inki Taadad Bahut Ziyadah Hai Jinme Se Kuch Wuzu Ke Tariqe Me Zikar Ho Chukin

CHAND MUSTAHBAT

( 1 ) Jo Aaza Jude Hain Maslan Donon Hath Donon Paoon Toh Inme Dahine Se Dhone Ki Ibteda Karen
Magar Donon Rukhsar In Donon Ko Ek Sath Hi Dhona Chahiye
Yun Hi Donon Kaanon Ka Ek Sath Masah Hona Chahiye

( 2 ) Ungliyon Ki Pith Se Gardan Ka Masah Karna

( 3 ) Unchi Jagah Baith Kar Wuzu Karna

( 4 ) Wuzu Ka Pani Paak Jagah Girana

( 5 ) Apne Hath Se Wuzu Ka Paani Bharna

( 6 ) Dusre Waqt Ke Liye Pani Bhar Kar Rakh Dena

( 7 ) Bila Zarurat Wuzu Karne Me Dusre Se Madad Na Lena

( 8 ) Dhili Anguthi Ko Bhi Fira Lena

( 9 ) Sahibe Uzar(koi paresgani) Na Ho Toh Waqt Se Pahle Wuzu Kar Lena

( 10 ) Itminaan Se Wuzu Karna

( 11 ) Kaanon Ke Masah Ke Waqt Ungliyan Kaan Ke   Surakhon Me Dakhil Karna

( 12 ) Kapdon Ko Tapakte Hue Katrat Se Bachana

( 13 ) Wuzu Ka Bartan Mitti Ka Ho

( 14 ) Agar Tanbey Wagairah Ka Ho Toh Kallai Kiya Hua Ho

( 15 ) Agar Wuzu Ka Bartan Lota Ho Toh Bain Taraf Rakhen

( 16 ) Agar Lotey Me Dasta Laga Hua Ho Toh Daste Ko Teen Bar Dho Len

( 17 ) Hath Daste Par Rakhen Lotey Ke Munh Par Na Rakhen

( 18 ) Har Uzoo Ko Dho Kar Us Par Hath Fer Dena Taki Katre Badan Ya Kapde Par Na Tapken

( 19 ) Har Uzoo Ko Dhote Waqt Dil Me Wuzu Ki Niyyat Ka Hazir Rahna

( 20 ) Har Uzua Ko Dhote Waqt BISSMILLAH
بِسْمِ اللَّهِ الرَّحْمَٰنِ الرَّحِيمِ
 Aur Darud Shareef Wa Kalimaye Shahadat Padhna

( 21 )Har Uzua Ko Dhote Waqt Alag Alag Uzua Ke Dhone Ki Duaon Ka Padhte Rahna

( 22 ) Aazae Wuzu Ko Bila Zarurat Ponch Kar Khushk Na Karen Aur Agar Poche Toh Kuch Nami Baki Rahne De

( 23 ) Wuzu Kar Ke Hath Na Jhatke Ki Yeh Shaitan Ka Pankha Hai

( 24 ) Wuzu Ke Bad Agar Makruh Waqt Na Ho Toh Do Rikat Namaz Padhe Le Isko Tahiyyatul Wuzu Kahte Hain

(Fatawa Hindiya Kitabut taharat
jild 1 page 8,9)


Ye bhi Padhen  ↓ ↓ ↓ ↓ ↓ ↓
° Namaz Me Dahine Pair Ka Angutha Sarak jene Se Kya Namaz Nahi Hoti
° Najashaton-Napakiyo ka-bayan
° Har Napaaki Par-Gusal Karna Zaroori Nahi


     WUZU KE MAKRUHAAT


Wuzu Me 21 Batein Makruh Hain
Yani Ye Chizen Wuzu Me Na Honi Chahiyen

( 1 ) Aurat Ke Wuzu Ya Ghusl Ke Bache Hue Paani Se Wuzu Karna

( 2 ) Wuzu Ke Liye Najis Jagah Par Baithna

( 3 ) Najis(Napak) Jagah Wuzu Ka Pani Girana

( 4 ) Masjid Ke Andar Wuzu Karna

( 5 ) Wuzu Ke Aaza Se Wuzu Ke Bartan Me Qatre Tapkana

( 6 ) Pani Me Khakhar Ya Took Dalna

( 7 ) Qibla Ki Taraf Khnkhar Ya Thook Dalna

( 8 ) Bila Zarurat Duniya Ki Baat Karna

( 9 ) Zarurat Se Zyada Pani Kharch Karna

( 10 ) Is Qadar Kam Pani Kharch Karna Ki Sunnat Ada Na Ho

( 11 ) Munh Par Pani Marna

( 12 ) Munh Par Pani Dalte Waqt Funkna

( 13 ) Sirf Ek Hath Se Munh Dhona

( 14 ) Honth Ya Aankhon Ka Zor Se Band Karke Munh Dhona

( 15 ) Halaq Aur Gale Ka Masah Karna

( 16 ) Dayen Hath Se Kulli Karna Ya Naak Me Pani Dalna

( 17 ) Dayen Hath Se Naak Saaf Karna

( 18 ) Apne Liye Koi Wuzu Ka Bartan Makhsus Kar Lena

( 19 ) Teen Naye Naye Pani Se Teen Dafah Sar Ka Masah Karna

( 20 ) Jis Kapde Par Istinja Ka Pani Khushk Kiya Ho Us Se Wuzu Ke Aaza Ponchna

( 21 ) Dhoop Me Garm Hone Wale Pani Se Wuzu Karna Inke Alawah Har Sunnat Ko Chodna Makruh Hai


MASALA
Wuzu Na Ho Toh Namaz Wa Sajdae Tilawat Aur Quraan Shareef Chune Ke Liye Wuzu Karna Farz Hai Aur khaana-e Kaaba Ke tawaaf Ke Liye Wuzu Wajib Hai

MAAALA-
Junub ko khane Pine Sone Ke Liye Wuzu Kar Lena Sunnat Hai Isi Tarah Azaan Wa Iqamat Wa Khutbae Juma Wa Eidain Aur Rauzae Mubarake
 RASULALLAh ( Sallallahu Alaihi Wasallam ) Ki Ziyarat Ke Waqt Wuqufe Arfa Aur Safah Wa Marwah Ke darmiyan Sayi Ke Liye Wuzu Kar Lena Sunnat Hai


MASALA-
Sone Ke Liye.
Sone Ke Bad
Maiyat Ko Nahlane  Ya Uthane Ke Bad
Jimaa Se Pahle
Gussa Aa Jane Ke Waqt
Zubani Quraan Shareef
Padhne

Ilme Hadis Aur Dusre Dini Uloom Padhne Padhane Ke Liye Ya Dini Kitaben Chune Ke Liye
Sharm Gaah Ya Kaafir Ke Badan Chu Jane Ya Salib Ya But Chu Jane Ke Bad
Jhut Bolne Ghibat Karne Aur

Har Gunah Ke Bad Taubah Karte Waqt
Kisi Aurat Ke Badan Se Apna Badan Be Pardah Chu Jane Se Ya Kodhi Aur Baras Wale Ka Badan Chu Jane Se

Baghal Khujane Aur Unth Ka Gosht Khane Ke Bad In Sab Suraton Me Wuzu Kar Lena Mustahab Hai






WUZU TODNE WALI CHIZEN-

( 1 ) Peshab Ya Pakhana Karna

( 2 ) Peshab Ya Pakahane Ke Raston Se Kisi Bhi Chiz Ya Pakhane Ke Raste Se Hawa Ka Nikalna

( 3 ) Badan Ke Kisi Hisse Ya Kisi Maqaam Se Khoon Ya Pip Nikal Kar Aisi Jagah Bahna Ki Jis Ka Wuzu Ya Ghusl Me Dhona Farz Hai

( 4 ) Khana Pani Ya Khoon Ya Pitt Ki Ki  Munh Bhar Qayi(ulti) Ho Jana

( 5 ) Is Tarah So Jana Ki Badan Ke Jode Dhile Pad Jayen
Yani Ankh ka lag jana jisse Wuzu toot jasta hai

( 6 ) Behosh Ho Jana

( 7 ) Ghashi Tari Ho Jana

( 8 ) Kisi Chiz Ka Is Hadd Tak Nasha Chadh Jana Ki Chalne Me Qadam Ladkhadayen

( 9 ) Dukhti Hui Aankh Se Pani Ka Keechad Nikalna

( 10 ) Ruku Wa Sajde Wali Namaz Me Qah Qaha Laga Kar Hansna


MASALA
Wuzu Ke Bad Kisi Ka Sitr Dekh Liya Ya Apna Sitar Khul Gaya Ya Khud Bilkul Nanghe Hokar Wuzu Kiya

Ya Nahane Ke  Waqt Nanghe Hi Nanghe Wuzu Kiya Toh Aise
Wuzu Nahin Totta

Yeh Jo Jahilon Me Mashhoor Hai Ki Apna Sitar Khul Jane Ya Dusre Ka Sitar Dekh Lene Se Wuzu Toot Jata Hai

Yeh Bilkul Ghalat Hai Han Albatta Yeah Wuzu Ke Aadab Me Se  Hai Ki Naaf Se Zano Ke Niche Tak Sab Sitar Chhupa Hua Ho

Balki Istinja Ke Baad Fauran Hi Chupa Lena Chahiye Kunki Baghair Zarurat Sitar Khula Rahna Mana Hai Aur Dusre Ke Samne Sitar Kholna Haram Hai
( Fatawah Hindya Kitabul Taharat Jild 1 Page 13 )


MASALA
Agar Naak Saaf Ki Usme Se Jama Hua Khun Nikla Toh Wuzu Nahin Toota

Aur Agar Bahta Hua Khun Nikla Toh Wuzu Toot Gaya
(Raddul Mohtar Kitabul Taharat Jild 1 Page 292 )


MASALA-
Chhaala Nonch Dala Agar Is Me Ka Pani Bah Gaya Toh Wuzu Toot Gaya Aur Agar Pani Nahin Baha Toh Wuzu Nahi Tootta
( Fatawah Hindy Kitabul Taharat Jild 1 Page 11 )


MASALA-
Kaan Me Tel Dala Tha Aur Ek Din Bad Woh Tel Kaan Ya Naak Se Nikla Toh Wuzu Nahi Toota

MASALA-
Zakhm Par Gadha Pad Gaya Aur Isme Se Kuch Tari Chamki Magar Bahi Nahi Toh Wuzu Nahi Toota
( Fatawah Hindya Kitabul Taharat Jild 1 Page 10 )


MASALA-
Khatmal Machchar Makhkhi Pissu Ne Khun Chusa Toh Wuzu Nahi Toota
( Fatawah Hindya Kitabul Taharat Jild 1 Page 11 )



MASALA-
Wuzu Ke Darmiyan Agar Wuzu Toot Gaya Toh Fir Shuru Se Wuzu Karen

Yahan Tak Ki Agar Chullu Me Pani Liya Aur Hawa Kaharij ho Gai Toh Yeh Chullu Ka Pani Bekar Ho Gaya

Is Pani Se Koi Uzu Na Dhoye
Balki Dusre Pani Se Fir Se Wuzu Karen


MASALA-
Dukhti Hui Aankh Dukhti Hui Chhati Dukhte Hue Kaan Se Jo Pani Nikle Woh Najis Hai Aur Is Se Wuzu Toot Jata Hai
( Durre Mukhtar Kitabul Taharat Jild 1 Page 305 )


MASALA-
Kisi Ke Thook Me Khun Nazar Aaya Toh Agar Thuk Ka Rang Zardi Mail Hai Toh Wuzu Nahi Toota
Agar Thuk Surkhi Mail Ho Gaya Toh Wuzu Toot Gaya
( Durre Mukhtar Kitabul Taharat Faraezul Wuzu Jild 1 Page 291-292 )


MASALA-
Wuzu Ke Bad Nakhun Ya Baal Kataya  Toh Wuzu Nahi Toota
Na Wuzu Ko Dohrane Ki Zarurat Hai
Na Nakhun Ko Dhone Aur Na Sar Ko Masah Karne Ki Zarurat Hai
( Fatavah Hindya Kitabul Taharat Jild 1 Page 4 )


MASALA-
Agar Wuzu Karne Ki Haalat Me Kisi Uzua Ke Dhoney Me Shaq Hua Ho
Aur Yeh Zindagi Ka Pahla Waqiya Hai

Toh Us Uzu Ko Dho Le
Aur Agar Is Qism Ka Shak Pada Karta Hai Toh Iski Taraf Koi Tawajjoh Na Karen

Yun Hi Agar Wuzu Pura Ho Jane Ke Bad Shak Pad Jae Toh Iska Kuch Khayal Na Karen
( Radul Mohtar Kitabul Tagarat Jild 1 Page 309-310 )


MASALA-
Jo Ba Wuzu Tha Ab Use Shak Hai Ki Wuzu Hai Ya Toot Gaya Toh Usko Wuzu Karne Ki Zarurat Nahi

Han Wuzu Kar Lena Behtar Hai Jabki Jabki Ye Shuba Bataure Waswasa Na Hua Karta Ho

Aur Agar Waswase Se Aisa Shubha Ho Jaya Karta Ho Toh Is Shube Ko Harghiz Na Manen
Is Surat Me Ehtiyat Samajh Kar Wuzu Kar Lena Ehtiyat Nahin Balki Waswase Ki Ita-at Hai
( Raddul Mokhtar Kitabul
Taharat Jild 1 Page 309-310 )


MASALA-
Agar Be Wuzu Tha
Ab Use Shak Hai Ki Maine Wuzu Kiya Ya Nahin Toh Woh Yaqeenan Bila Wuzu Hai
Usko Wuzu Karna Zaruri Hai
( Radul Mkhtar Kitabul Taharat Page 210 )


MASALA-
Yeh Yaad Hai Ki Wuzu Me Koi UZu(parts) Dhoney Se Rah Gaya Magar Maloom Nahi Ki Woh Kaun Sa Uzu Tha Toh Bayan Paon Dho Ley
( Radul Mukhtar Kitabul Taharat Bab Arkanul Wuzu Jild 1 Page 310 )


MASALA-
Shair Khwar Bachey Ne Qayi Ki Aur Dudh Daal Diya Agar Woh Munh Bhar Qayi Hai Toh Najis(Napak) Hai

1 Dirham Se Ziyadah Jagah Me Jis Chiz Ko Lag Jaye Napak Kar Dega
Lekin Agar Yeh Dudh Medey Se Nahin Aaya Balki Siney Tak Pahuch Kar Palat Aya Hai Toh Paak Hai
( Raddul Mohtar Durre Mukhtar Kitabul Taharat Jild 1 Page 299 )

MASALA-
Sotey Me Jo Raal Munh Se Girey Agarche Pet Se Aaye Agarche Woh Badbudar Ho Paak Hai
( Durre Mukhtar Kitabul Taharat Jild 1 Page 290 )


MASALA-
Murdey Ke Munh Se Jo Paani Bahey Naapak Hai
(Durre Mukhtar Kitabul Taharat Jild 1 Page 290 )


MASALA-
Munh Se Itna Khun Nikla Ki Thuk Surkh Ho Gaya
Agar Lotey Ya Katorey Ko Munh Laga Kar Kulli Ko Paani Liya
Toh Lota Katora Aur Kul Paani Najis Ho Jayega
Chullu Se Paani Lekar Kulli Kare Aur Fir Hath Dho Kar Kulli Ke Liye Paani Le
( durre Mukhtar radul Mukhtar Kitabul Taharat Page 1-291)

New Message Apke Email Par Paane Ke Liye Subscribe Karen
Uske baad Apki Email Check kare Ek msg Ayega Uspar Click Kerke
Conform Karen Fir Apko Message Milna Shuru
Hojayenge


Aapko hamari Post kaise lagti
hai Comment box me Zaroor likhe
aur Is Post ko Like Share Karna Na bhoole

For More Msgs Click This Link
            www.diniraah.in
 
Baraye Karam Is Paigham ko Share kijiye
ALLAH Apko iska Ajar-e-Azeem Zaroor dega AAMEEN

●●►jazakALLAH khairan◄●●

╠ ♥ PLEASE SHARE ♥ ╣