Valentine Day Ki Haqeeqat

Valentine'S Day Haraam In Islam


Valentine'S Day Haraam In Islam


*Quraan* - Musalman Mardon ko hukm do ki Apni Nigahen kuchh Neechi Rakhein..........Aur Musalman Auraton ko Hukm do ki apni Nigahen kuchh Neechi Rakhein

πŸ“• Paara 18,surah Noor Aayat 30-31


*HADEES* - Ajnabi aurat ko shahwat se dekhne Waalon ki aankh Qayamat ke din aag se bhar di jayegi

πŸ“• Hidaaya,jild 4,safah 424



*HADEES* - Jo gair Aurat aur mard ek doosre ko dekhen to dono par ALLAH ki laanat hai

πŸ“• Mishkat,safah 270

Ye Bhi PadhenπŸ‘‡πŸ‘‡πŸ‘‡
  • Valentine'S Day Haraam In Islam
  • Ghair-muslim ke tehwaar manaana Kaisa
  • Valentine's Day Quraan Wa Hadees Ki Roshni Mein Book

  • *HADEES* - Huzoor Sallallahu Ta-ala Alaihi Wasallam ne Irshaad Farmaya ki agar Ajnabi Aurat par Nazar pad jaaye to Fauran Nazar hata lo ki pahli Nazar maaf hai

    πŸ“• Abu daood Sharif Page 292



    *HADEES* - Huzoor Sallallahu Ta-ala Alaihi Wasallam ne Irshaad farmaya ki Aurat Chhipane ki cheez hai jab wo baahar Nikalti hai to Shaitan use jhaank kar dekhta hai

    πŸ“• Tirmizi,jild 1 Page 140



    *HADEES* - Jo Aurat khushbu lagakar baahar Nikle jo
    jisko iski Khushbu mili to Aisa hai ki jaise Usne Zina karaya

    πŸ“• Nisaayi,jild 2, page 240
    πŸ“• Tirmizi,jild 2, page  102



    *HADEES* - Hazrate faatima zuhra Razi’Allahu Ta-ala Anha farmati hain ki Aurat ke liye sabse Behtarin amal ye hai ki use gair mard na Dekhne paaye

    πŸ“• Fatawa razviya,jild 9,safah 28



    *HADEES* - Huzoor Sallallahu Ta-ala Alaihi Wassallam irshaad farmate hain ki Aurat ke paas jaane se bacho ek sahabi ne arz ki devar ke paas jaane me kya
    hukm hai aapne farmaya ki Devar to maut hai

    πŸ“• Tirmizi,jild 1,safah 140

    *FUQHA* - Hazrat yahya Alaihissalam se logon ne poochha ki zina ki Ibteda kahan se hoti hai aapne farmaya aankh se

    πŸ“• Kimiyaye saadat,safah 498



    *FUQHA* - Gair mahram ka ek doosre ke saath tanhayi Ikhtiyar karna aur ek Doosre ko choona gunahe sageera hai lekin agar iska inkaar karta hai jab to maaz ALLAH kaafir hai

    πŸ“• Almalfooz hissa 4,safah 31



    *ⓩ Aap soch rahe honge ki main Mohabbat ke topic par ye kya bayaan kar raha hoon,to Azizo
    ye Shariyat ka hukm hai jo maine bayaan kar diya ab agar koi

    in sabse bachte hue kisi se muhabbat karta hai to yaqinan usko aashiq
    kahenge,
    buzurgaane deen farmate hain ki ishq mijaazi ishqe haqiqi tak pahunchne ki seedhi hai

    isko yun samajhiye ki jisko uski Mohabbat Rab ke Qareeb karde to Mohabbat hai aur jisko uski Mohabbat rab se door karde to ye Mohabbat nahin balki Aawarapan hai

    ab ishqe Mijaazi Yaani Duniya Waalon ki Muhabbat maslam maa ki Muhabbat baap ki Muhabbat biwi ki Muhabbat bachchon ki

    Muhabbat dosto azizo rishtedaaro se Mohabbat ye sab ishqe mijaazi hai aur yahi Mohabbat agar shariyat ke daayre me rahkar ki jaaye to isi Mohabbat ko ibaadat kahte hain

    Aur ispar mutlakan sawaab hai maslan biwi bachchon se pyaar karte hain magar namaz roze aur deegar ibadaton
    ka poora poora khayal rakhte hain

    jab to unse Mohabbat karna bhi ibaadat kahlayegi lekin agar shariyat ka hukm todte hain maslan unko kamakar
    khilaane me is qadar Masroof ho gaye ki na to Namaz ka Khayaal raha aur Deen ka paas jab to ye muhabbat muhabbat nahin balki Jahannam me jaane ka raasta hai

    Aaj ke is daur me agar kisi cheez ki sabse Zyadah Kasrat hai to wo isi naam nihaad Mohabbat ki hai,

    shayad hi koi aisa ho jo ingage ho warna sab hi busy hain aur apni nazar me sab hi aashiq hain

    ek mard ka aurat se Mohabbat karna ye ek fitri baat hai lekin Shariyat ke kuchh usool hain aur jahan tak main samajhta hoon Shayad 1 laakh me 1 bhi in usoolo ko poora nahin karta

    ek gair ladki ko dekhna Haram usse baat karna haraam usse milna julna haraam jab itna saara haraam kaam karenge to muhabbat kya khaak rahi haan

    kisi par ek nazar pad gayi aur usi ek nazar me kisi ko ishq ho gaya to ye jayaz magar usool fir bhi wahi ki na to mil sakte hain aur naa baat kar sakte hain chhoona chhaana to bahut door ki baat hai

    shariyat me ek Aashiq ki kya Pahchan batayi gayi hai padh lijiye aur fir us paimane par Apne Aapko Rakhkar dekhiye ki kya aap Aashiq hain*

    *AASHIQUE* mel milaap se door rahta hai

    *AASHIQUE* har waqt Khyalon me Dooba rahta hai

    *AASHIQUE* hamesha chup chaap rahta hai

    *AASHIQUE* jab use dekho to nazar nahin aata

    *AASHIQUE* jab usse baat karo to baat nahin karta

    *AASHIQUE* jab use bulao to sunta nahin

    *AASHIQUE* Musibat par ghumgeen nahin hota

    *AASHIQUE* bhook pyaas ki parwah nahin karta

    *AASHIQUE* duniya ke liye duniya waalo se ladta nahin

    *AASHIQUE* har waqt Khuda ki Baargah me iltijayen karta hai

    πŸ“• Muqashifatul quloob, page 87



    *ⓩ Agar koi is zamane me aisa hai
    To wo aur uska ishq dono sar Aankhon par aur aise hi Aashiqon ko Shahadat ka Martaba milne ki riwayat aayi hai

    Magar aaj jo log valentine's day manate hain kya wo shariyat ke usool ke Mutabik Mohabbat karte hain aur kya wo sachche aashiq hain

    agar hain to kyun sadkon aur baazaro me ek doosre ka haath thaame hue behayaayi karte nazar aate hain

    aur agar nahin hai aur Yaqinan Nahin hain to Maan lein ki wo Mohabbat nahin balki ek Haraam Kaam kar rahe hain aur bila shubah wo log khuda ke mujrim hain aur unhein apne is aamaal se toubah karni hogi


    Allah Sabhi Bhaiyon behno Ko Shariyat
    par Amal karne ki toufiq Ataa farmaye Aameen 

    Post a Comment

    0 Comments