Aurat Ke Liye Khas Paigham
Pardah Karo Kunki Tum Kisi Baap Ka Ghurur Ho
Pardah Karo Kunki Tum Kisi Bhai Ki Ghairat Ho
Pardah Karo Kunki Tum Kisi Shauhar Ki Izzat Ho
Pardah Karo Kunki Tum Kisi Ghar Ki Zeenat Ho
Pardah Karo Kunki Pardah Haya Ka Zewar Hai
Pardah Karo Kunki Pardey Mein Aurat Ki Shaan Hai
Pardah Karo Kunki Tum Koi Mamuli Ladki Nahin
Balki Islaam Ki Shahzadi Ho
Aur Koi Shahzadi Is Tarah Mamuli Nahin Ki Us Par Har Kisi Ki Nigah Uth Jaye
Mardon Ke Liye khas Paigham
Nigah Nichi Rakho Ki Tumse Tumhari Maa Ki Pahchan Ho Gi
Wahi Maa Jiske Qadmon Ke Niche Jannat Hai
Nigah Nichi Rakho Ki Wo Bhi Kisi Ki Bahan Hai
Tumhari Bahan Ki Tarah
Nigah Nichi Rakho Ki Tum Apni Biwi Ka Aitbar
Wafa Aur Ghurur Ho
Uski Nazrein Nichi Ho Jati HainJab Koi Use Taney Deta Hai
Ki Haan Pata Hai Tumhara Shauhar Tumhein Kitna Chahte Hai
Nigah Nichi Rakho Ki Tumhein "ALLAH"Ne Aurton Par Qawwama Yani Achchi Hifazat Karne Wala Banaya Hai
Nigah Nichi Rakho Ki Ye Sharafat Ki Alamat Hai
Nigah Nichi Rakho Ki Huzur Khalifa Aur Sahaba Nigah Nichi Rakhte They
Nigah Nichi Rakho Ki Tum Koi Mamuli Insan Nahin
Musalman Iman Wale Ho Sabse Behtarin Ummah Ke Pairokar Ho
Nigah Nichi Rakho Ki Tum Islam Ke Shahzade Ho
Quraan Mein "ALLAH" Ne Pahle Mardon Ko Nigah Nichi Rakhne Ko Kaha Hai
Nigah Nichi Rakho Taki Ghair Mazhab Ki Aurtein Kahein
Ki Imaan Wale Mard Kitne Shareef Hote Hain
Lekin Aaj Musalmanon Ke Muhalley Gali Ganw Mein Har Aurat Mahfooz Nahin Hai
GHAUR KIJIYE FIKR KIJIYE
