Shauhar Ke Sath Zindagi Basar Karne Ka Tareeqa Part-5

Shauhar Ke Sath Zindagi Basar Karne Ka Tareeqa   Part-5


Shauhar Ke Sath Zindagi Basar Karne Ka Tareeqa

Part-5
(16) Aurat Ke Faraiz Mein Ye Bhi Hai Ki Agar Shauhar Ghareeb Ho
Aur Gharelu Kaam Kaaj Ke Liye Naukrani Rakhne Ki TaqatNa Ho
Toh Apne Ghar KaGharelu Kaam Khud Kar Liya Karo
Is Mein Harghiz-Harghiz Na Aurat Ki Koi Zillat Hai Na Sharm
Bukhari "Shareef" Ki Bahut Si Riwayaton Se Pata Chalta Hai Ki
Khud "Rasool Allah"
( Sallallahu Alaihi Wasallam )
 Ki Sahabzadi Hazrate "Fatima"
 ( Radiallahu Ta-ala Anha ) Ka Bhi Yahi Mamool Tha
Ki Wo Apne Ghar Ka Sara Kaam Khud Apne Haathon Se Kiya Karti Thin
Kuwen Se Pani Bhar Kar
Aur Apni Muqaddas Pith Par Mashaq Laadh Kar Pani Laya Karti Thin
Khud Hi Chakki Chala Kar Aata Bhi Pees Letin Thin
Isi Wajah Se In Ke Mubarak Hathon Mein Kabhi-Kabhi Chaley Pad Jate They
Isi Tarah Amirul Mominin Hazrate "Abub Bakr Siddique"
(Radiallahu Ta-ala Anhu)
Ki Sahabzadi Hazrate "Asma"
( Radi Allahu Ta-ala Anha )
Ke Mutalliq Bhi Riwayat Hai
Ki Woh Apne Ghareeb Shauhar Hazrate "Zubair" ( Radiallahu Ta-ala Anhu ) Ke Yahan
Apne Ghar Ka Sara Kaam Kaaj Apne Hathon Se Kar Liya Karti Thin
Yahan Tak Ki Oonthon Ko Khilane Ke Liye Baghon Mein Se Khajooron Ki Guthliyan
 Chun-Chun Kar Apne Sar Par Lati Thin
Aur Ghode Ke Liye Ghaas Chara Bhi Lati Thin
Aur Ghode Ki Malish Bhi Karti Thin
(17) Har Biwi Ka Yeh Bhi Farz Hai Ki Woh Apne Shauhar Ki Aamdani
Aur Ghar Ke Akhrajat Ko Hamesha Nazar Ke Samne Rakhe
Aur Ghar Ka Kharch Is Tarah Chalaye Ki Izzat Wa Aabru Se Zindagi Basar Hoti Rahe
Agar Shauhar Ki Aamdani Kam Ho
Toh Harghiz-Harghiz Shauhar Par Beja Farmaishon Ka Bojh Na Dale
Is Liye Ki Agar Aurat Ne Shauhar Ko Majboor Kiya
Aur Shauhar Ne Biwi Ki Muhabbat Mein Qarz Ka Bojh Apne Sar Par Utha Liya
Aur Khuda Na Kare Us Qarz Ka Ada Karna Dushwar Ho Gaya
Toh Gharelu Zindagi Mein Pareshaniyon Ka Samna Ho Jayega
Aur Miyan Biwi Ki Zindagi Tang Ho Jayegi
Is Liye Har Aurat Ko Lazim Hai Ki Sabro Qana-at Ke Sath
Jo Bhi Mile Khuda Ka Shukr Ada Kare
Aur Shauhar Ki Jitni Aamdani Ho Usi Ke Mutabiq Kharch Kare
Aur Ghar Ke Akhrajat Ko Harghiz-Harghiz Aamdani Se Badhne Na De
(18) Aurat Ko Lazim Hai Ki Sasural Mein Pahunchne Ke Baad
Zid Aur Hath Dharmi Ki Aadat Bilkul Hi Chod De
Amuman Aurton Ki Aadat Hoti Hai
Ki Jahan Koi Baat Un Ki Marzi Ke Khilaf Hui
Fauran Ghusse mein Aag Bagula Ho Kar
 Ulat Palat Shurua Kar Deti Hain
Yeh Bahut Buri Aadat Hai
Lekin Maike Mein Chunki Maan Baap Apni Beti Ka Naaz Uthate Hain
Is Liye Maike Mein Toh Zid Hath Dharmi
Aur Ghussa Se Aurat Ko Kuch Zyadah Nuqsan Nahin Pahunchta
Lekin Sasural Mein Maan Baap Se Nahin
Balki Saas Khusar Aur Shauhar Se Wasta Padta Hai
In Mein Se Kaun Aisa Hai Jo Aurat Ke Naaz Uthane Ko Tayyar Hoga
Is Liye Sasural Mein Aurat Ki Zid Aur Hath Dharmi Aur Ghussa
Aur Chid Chida Pan Aurat Ke Liye Behad Nuqsaan Ka Sabab Ban Jata Hai
Ki Pure Sasural Wale Aurat Ki In Kharab Aadaton Ki Wajah Se Bilkul Hi Bezar Ho Jate Hain
Aur Aurat Sab Ki Nazron Mein Zalilo Khwar Ho Jati Hai
(19) Amuman Sasural Ka Mahaul Maike Ke Mahaul Se Alag Thalag Hota Hai
Aur Sab Naye-Naye Logon Se Aurat Ka Wasta Padta Hai
Is Liye Sach Pucho Toh Sasural Har Aurat Ke Liye Ek Imtehan Gaah Hai
Jahan Uski Har Harkat Wa Saknat Par Nazar Rakhi Jayegi
Aur Us Ke Har Amal Par Tanqeed Ki Jayegi
Naya Mahaul Hone Ki Wajah Se Saas Aur Nandon Se
 Kabhi-Kabhi Khayalat Mein Takraw Bhi Hoga
Aur Is Mauqae Par Baaz Waqt Saas Aur Nandon Ki Taraf Se
Jali Kati Aur Taanon Kosnon Ki Kadwi Batein Bhi Sunni Padegi
Aise Mauqon Par Sabr Aur Khamoshi Aurat Ki Behtarin Dhaal Hai
Aurat Ko Chahiye Ki Saas Aur Nandon Ko Hamesha Burai Ka Badla Bhalai Se Deti Rahe
Aur In Ke Taanon Aur Kosnon Par Sabr Kar Ke Bilkul Hi Jawab Na De
Aur Chup Saadh Le Yeh Behtarin Tariqae Amal Hai
Aisa Karte Rahne Se Insha "ALLAH" Ek Din Aisa Ayega
Ki Saas Aur Nanden Khud Shrmindah Ho Kar Apni Harkaton Se Baaz Aa Jayengi
(20) Aurat Ko Sasural Mein Khaas Taur Par
Baat Cheet Mein Is Cheez Ka Dhyan Rakhna Chahiye Ki
Na Toh Itni Zyadah Baat Cheet Kare Jo Sasural Aur Padosiyon Ko Nagawar Ghuzre
Aur Na Itni Kam Baat Kare Ki Minnat Aur Khushamad Ke Baad Bhi Kuch Na Bole
Is Liye Ki Ye Ghurur Wa Ghamand Ki Alamat Hai
Jo Kuch Bole Soch Samajh Kar Bole
Aur Itni Narm Aur Pyar Bhare Lahjon Mein Baat Kare Ki Kisi Ko Nagawar Na Guzre
Aur Koi Aisi Baat Na Bole Jis Se Kisi Ke Dil Par Bhi Thes Lage
TaaKi Aurat Sasural Walon Aur Rishtey Walon Aur Padosiyon
 Sab Ki Nazron Mein Har Dil Azeez Bani Rahe
Ye last part tha ye topic mukammal hua
Agar Aapne Pichhle Parts 1, 2 aur 3 Nahi Padhe hoto
Ye Padh Lijiye👇👇
Allah Amal ki Toufeeq De Aameen

Post a Comment

0 Comments