FILMi GAANON ME KUFRIYAAT


FILMi GAANON ME KUFRIYAAT


Aaj Kal Hindustaan Me Filmi Manazir Aur Unke Gaanon Ke Zariye Bhi Musalmanon Ko Kaafir Banane Aur Unke Eimaan Wa Aqeede Ko Tabah Karne Ki Munazzam Saazish Chal Rahi Hai

Film Ki Mazedariyan Aur Uski Lazzat Aur Ganon Ki Lutf Andozi Ke Sahare Aise Kadwe Ghunt Muslim Naslon Ki Ghaati Se Utare Ja Rahe Hain Jin Se Wo Kabhi Dur Bhagte They

Aur Musalmaan Unhe Badi Asani Se Ab Hazam Karte Chale Ja Rahe Hain
Balki Sahi Baat Yah Hai Ki Aaj Kal Filmon TeliVision Ke zariye Kaafir Apne Dharmon Ka Prachar Kar Rahe Hain

Aage Hum Chand Filmi Gaanon  Ke Wah Sheyr Likh Rahe Hain Jin Ka Kufr Hona Itna Zahir Hai Ki Uske Liye Kiisi Aalim Ya Maulana Sahab Se Puchne KI Zarurat Nahi Hai Balki Har Aadmi Bhi Jaan Sakta Hai  KI Yah Khalid Kafirana Bakwase Hain



(1)
"KHUDA BHI ASMA Se JAB ZAMIN PAR DEKHTA HOGA
MERE MAHBUB KO KISNEBANAYA SOCHTA HOGA"

(2)
"AB AAGE JO BHI HO ANJAM DEKHA JAEGA
KHUDA TARASH LIYA AUR BANDAGI KAR LI"

(3)
"RAB NE MUJH PAR SITAM KIYA HAI
SARE JAHAN KA GHAM MUJHE DE DIYA HAI"


In Ganon Ka Jayezah Lijiye  Aur Dekhiye ALLAH TA'AALA   Ke Bare Me Ye Aqida Rakhna KI Wah Aasman Se Jab Dekhta Hoga Halanki Musalmanon Ka Aqeeda Yah Hai KI ALLAH Rabbul Izzat Har Chiz Ko Hamesha Se Dekhta Hai Aur Hamesha Dekhega


Khudae TA'AALA  Ke Bare Me yah Bakwas Ya Mere Mahbub Ko Banane Wale Ke Bare Me Wah Sochta Hoga
Halanki Har Chiz Ka Banane Wala Sirf Khudae TA'AALA  Hi Hai



Aur us parwardigare Aalam Ke  Bare  Me Yah Kehna Ki wah Sochta Hoga Halanki Uska Ilm Sochne Se Paak Hai Yah Sab Khule Kufar Hain

Isi Tarah Dusre Gane Me Khuda Tarash Liya Aur Bandagi Karli

Kitna Bada Kufar Hai Islaam Se Mazaaq Aur
QURAANE KAREEM  Se Thatha Kiya Gaya Hai Jiske Khule Kufar Hone Me Jahil Musalman Ko Bhi Shaq Nahi Hai




Tisre Gaane Me Parwar Digare Aalam Ko Sitamgar Batana Usse Shikwa Karna Aur Uski Nashukri Karna Ki Usne Sare Jahan Ka Gham Mujhe De Diya Hai

Ye Sab Wah Kufriyaat Hain Jo Kitne Musalmanon Se Bulwa Kar Kahla Kar Ganon Ke Zariye Unke Eimaan Ko Kharaab Kar Diye hain
Aur Islaami Hadon Se Bahar Lakar Khada Kar Diya Gaya Hai.

Allah Ta'ala hum sabhi ko Aise kufri Gaano aur Har rarah ke gunah se Bachne ki Toufiq Ataa Farmaye
Aameen

Ye bhi Padhen  ↓ ↓ ↓ ↓ ↓ ↓

Aapko hamari Post kaise lagti
hai Comment box me Zaroor likhe
aur Post ko Like Share Karna Na bhoole

For More Msgs Click This Link
          www.diniraah.in
 
Baraye Karam Is Paigham ko Share kijiye
ALLAH Apko iska Ajar-e-Azeem Zaroor dega AAMEEN

●●►jazakALLAH khairan◄●●

╠ ♥ PLEASE SHARE ♥ ╣

Post a Comment

0 Comments