AURAT ISLAAM AANE KE BAAD

Jaisa Ki Aap Pichhli Post Me Padh Chuke Hai ki AURAT-iSLAAM-SE-PAHLE Kya Thi Uspar
Tarah Tarah Ke Zulm Kie Jaate The
Ab Aage Janiye Islam Aane ke Baad Kya hua

Jab Hamare Rasool-e Rahmat Hazrate
 , MUHAMMADE MUSTAFA ,
( Sallallahu alaihi wasallam )
Khuda Ki Taraf Se Deene Islaam Le Kar Tashreef Laye

 Toh Duniya Bhar Ki Satai Hui Aurton Ki Qismat Ka Sitara Chamak Utha

Aur Islaam Ki Badaulat Zalim Mardon Ke Zulmo Sitam Se Kuchli Aur Raundi Hui Aurton Ka Darja Is Qadar Buland Wa baala Ho Gaya

Ki Ibadat Wa Muamlat Balki Zindagi Aur Maut Ke Har Marhale Aur Har Mod Par Aurtein Mardon Ke Dosh Ba Dosh Khadi Ho Gayin

Aur Mardon Ke Barabri Ke Darje Par Pahunch Gayin

Mardon Ki Tarah Aurton Ke Bhi Huqooq Muqarrar Ho Gaye

Aur Inke Huqooq Ki Hifazat Ke Liye Khudawandi Qanoon Aasman Se Nazil Ho Gaye

Aur In Ke Huqooq Dilane Ke Liye Islami Qanoon Ki Adalatein Qayem Ho Gayin

Aurton Ko Malikana Huqooq Hasil Ho Gaye

Chunanche Auratein Apni Mehar Ki Raqmon

Apni Tijaraton Apni Jayedadon Ki Malik Bana Di Gayin

Aur Apne Maan Baap Bhai Bahan Aulaad Aur Shauhar Ki Meerason Ki Waris Qarar Di Gayin

Gharz Woh Aurtein Jo Mardon Ki Jootiyon Se Zyadah Zaleelo Khwar Aur Intahai Majbooro Lachar Thin

Woh Mardon Ke Dilon Ka Sukoon Aur Inke Gharon Ki Malika Ban Gayin

AURAT ISLAAM AANE KE BAAD

Chunanche Quraane Majeed Ne Saaf-Saaf Lafzon mein Farma Diya

Quraan:
" ALLAH Ne Tumhare Liye Tumhari Jins Se Biwiyan Paida Kar Din
Taki Tumhein Isse Taskeen Hasil Ho
Aur Usne Tumhare Darmiyan Muhabbat Wa Shafqat Paida Kar Di "
(Surah Room Aayat 21)


Ab Koi Mard Bila Wajah Aurton Ko Na Maar Peet Sakta Hai

Na Inko Gharon Se Nikal Sakta Hai

Aur Na Koi Inke Maalo Asbaab Ya Jayedadon Ko Chheen Sakta Hai

Balki Har Mard Mazhabi Taur Par Auraton Ke Huqooq Ada Karne Par Majboor Hai

Chunanche Khudawande Quddoos Ne Quraane Majeed Me Farmaya Ki

Quraan:
"Aurton Ke Mardon Par Aise Hi Huqooq Hain Jaise Mardon Par Aurton Ke Achchey Sulook Ke Saath"
(Surah Baqarah Aayat 228)

Aur Mard Ke Liye Farmaan Jaari Farma Diya Ki

Quraan:
"Aur Achchey Sulook Se Aurton Ke Saath Zindagi Basar Karo"
(Surah Nisa Aayat 19)


Tamaam Duniya Dekh Le Ki Deene Islaam Ne Miyan Biwi Ki Ijtemai Zindagi Ki Sadarat Agar Mard Ko Ataa Farmai Hai

Aur Mardon Ko Aurton Par Haaqim Bana Diya Hai

Taaki Nizame Khana Dari Mein Agar Koi Badi Mushkil Aan Pade

Toh Mard Apni Kudadad Taqat Wa Salahiyat Se Is Mushkil Ko Hal Kar De

Lekin Iske Saath Jahan Mardon Ke Kuch Huqooq Aurton Par Wajib Kar Diye Hain

Wahan Aurton Ke Bhi Kuch Huqooq Mardon Par Lazim Thahra Diye Gaye Hain


Is liye Aurat Aur Mard Donon Ek Dusre Ke Huqooq Mein Jakdey Hue Hain

Taki Donon Ek Dusre Ke Huqooq Ada Karke Apni Ijtemai

 Zindagi Ko Shadmani Wa Masarrat Ki Jannat Bana Dein

Aur Nifaaq Wa Shiqaaq Aur Ladai Jhagdon ke Jahannam Se

Hamesha Ke Liye Azad Ho Jayein

Aurton Ke Darjaat Wa Maratib Ki Itni Buland Manzilon Par Pahuncha Dena

Ye Huzoor Nabiyye Rahmat
( Sallallahu Alaihi Wasallam )

 Ka woh Ehsaan Azeem Hai Ki Tamam Duniya Ki Aurtein

Agar Apni Zindagi Ki Akhri Saans Tak

Is Ehsaan Ka Shukriya Ada Karti Rahein

Fir Bhi Woh Is Azimushshaan Ehsaan Ki Shukr Guzari Ke Farz Se

Subuk Dosh Nahin Ho Sakti

Tamam Duniya Ke Muhsine Aazam Huzoor Nabiye Akram
( Sallallahu Alaihi Wasallam )
Ki Shaan-e Rahmat Ka Kya Kahna


WOH NABIYON MEIN RAHMAT LAQAB PANE WALA

MURADEIN GARIBON KI BAR LANE WALA

MUSEEBAT MEIN GHAIRON KI KAAM AANE WALA

WOH APNE PARAYE KA GHAM KHANE WALA

FAQEERON KA MAWA ZAEEFON KA MALJA

YATEEMON KA WALI 
GHULAMON KA MAULA


Ye bhi Padhen  ↓ ↓ ↓ ↓ ↓ ↓
► AURAT KYA HAI
► AURAT-iSLAAM-SE-PAHLE

Aapko Ye Post Kaafi Pasand Aayi Hogi To Isko Share Karna Na bhoolen Aur Jald Hi
Auraton Ke Bare me Agli Post Hogi Usko Bhi Zaroor Padhen
Is Website Ki Har Post Email Par Paane Ke Liye Subscribe Karen