Kuchh Mahino Aur Dino Ko Manhoosh Samjhna
-------------------------Jahil Aurton Mein Yah Rasmo Riwaj Hai Ki Woh Zulqadah Ke Mahine Ko Khali Ka Chaand
Aur Safar Ke Mahine Ko Terah Teji Kahti Hain Aur In Donon Mahinon Ko Manhus Samajhti Hain
Aur In Dono Mahinon Mein Shadi Byah Aur Khatna Waghairah Ko Na Mubarak Janti Hain
Isi Tarah Har Mahine Ki 3 13 23 Tarikhon Aur 8 18 28 Tarikhon Ko Manhus Samajh Kar In Tarikhon Mein Shadi Byah Aur Dusri Tamam Takribat Ko Bahut Hi Bura Aur Nahusat Wala Kaam Samajhti Hain
Kuch Jahil Mard Aur Aurtein Qamr Wa Aqrab Mein Shadi Byah Karne Ko Manhus Aur Na Mubarak Mante Hain
Isi Tarah Budh ( wednes day ) Ke Din Ko Manhus Samajh Kar Log Is Din Safar Nahin Karte Hain
Kuch Aurtein In Mahinon Aur Tarikhon Ki Nahusat Se Bachne Ke Liye Tarah Tarah Ke Totke Karti Karati Hain
Kahin - Kahin Riwaj Hai Ki Har Terahwin Ko Kuch Ghonghniyan Paka Kar Takseem Karte Hain Taki Is Tarikh Ki Manhusiyat Se Hifazat Rahe
Kaan Khol Kar Sun Lo Aur Yaad Rakho Ki Is Qism Ke Aetiqaadat Sara Sar Shariyat Ke Khilaaf Hain
Aur Gunah Ki Batein Hain Is Liye In Aetiqadon Se Tauba Karni Chahiye
Islaam Mein Harghiz - Harghiz Na koi Mahina Manhus Hai Na Koi Tareekh Na Koi Din
Har Mahina Har Tarikh Har Din ALLAH Ta- alaa Ka Paida Kiya Hua Hai
Aur ALLAH Ta-ala Ne In Mein Se Kisi Ko Na Manhus Banaya Hai Na Toh Namubarak
Yeh Sab Aetiqad Mushrikon Najumiyon Aur Rafajiyon Ke Manghadant Aqidon Ki Paidawar Hain Jo Jahil Aurton Mein Chal Pade Hain
In Rasmon ko Mitana Bahut Zaruri Hai Is Liye Aziz Bahnon
Tum Khud Bhi In Aetiqadon Se Bacho Aur Dusron Ko Bhi Bachao
ALLAH Ta-ala Is Jehaad Ka Tum Ko Bahut Bada Sawab Dega
Is Post Ko Share Zaroor Karen Aur Sawab Paayen
Ye bhi Padhen ↓ ↓ ↓ ↓ ↓ ↓
► AURAT KYA HAI
► AURAT-iSLAAM-SE-PAHLE
► AURAT-ISLAAM-AANE-KE-BAAD