JAADU (MAGIC) KARNA

JAADU MAGIC KARNA


JAADU ( MAGIC ) KARNA


Pas Wo Log Unse Wo Batein Seekhte Hain

Jiske Zariye Miyan Biwi Ke Darmiyan Tafreeq Daal Sakein

 Aur Aakhirat Mein Unka Kuch Hissa Nahin
( Parah 1 Sureh Baqar Ayat 102 )


Ye Beemari Hamare Muaashre Mein Bahut Aam Ho Gai Hai

Jahan Kisi Ko Khate Kamate Dekha Ya Miyan Biwi Ke Beech Muhabbat Dekhi

Fauran Kuch Log Hasad Ki Aag Mein Jal Bhun Jate Hain

Aur Basa Basaya Ghar Ujadne Mein Lag Jate Hain

Ye Haram Hai Halanki Jayez Kaam Ke Liye Jayez Tariqe  Se Dua Taweez Karna Bila Shubha Jayez Hai

Jaisa Ki Hadeese Paak Mein Hai Ki

Tum Nazre Badd Ke Liye Dua Taweez Karao
( Bukhari Jild 3 Safah 290 )

Khud Huzur ( SALLLALLAHU Ta-ala Alaihi Wasallam ) Hazrat Imaam Hasan Wa Hazrat Imaam Husain ( Razi Allahu Ta-ala Anhu ) Ko Dum Karte

Aur Yun Farmate The Ki Main Tum Donon Ko "ALLAH " Ta-ala Ke Kamil Kalimat Ke Sath

 Har Shaitan Aur Zahreele Janwar Ke Sharr Se Aur Har Shareer Aankh Se "ALLAH " Ki Panah Mein Deta Hoon
( Huliyatul Auliya Jild 5 Safah 56 )
( Tazkiratul Ambiya Safah 152 )


Haan Ghair Shrayi Alfaaz Ke Saath Dum Karna Ya Taweez Baandhna Aur Jadu Karna Haram Hai

Balki Ise Shirk Tak Farmaya Gaya Hai

Isse Bachna Bahut Zaruri Hai
( Almuajjamul Kabeer Jild 10 Safah 262 )

Ek Musalman Ka Musalman Ke Maalo Daulat Wa Aarayish Wa Ilm Ko Dekh Kar Hasad Karna Haram Hai

Aur Hasad Nekiyon Ko Aise Kha Jata Hai Jaise Aag Lakdiyon Ko

Haan Agar Kisi Ki Koi Cheez Pasand Aa Jaye Aur Khud Bhi Aisi Aarzoo Karta Hai

Ki Mere Paas Bhi Aisi Cheez Ho Ye Hasad Nahin Balki Ghibta Hai Jise Rashq Bhi Kah Sakte Hain

Hasad Tab Hoga Jab Uski Wo Cheez Chin Jane Ki Tamanna Rakhta Ho

Lihaza Musalmanon Ko Chahiye Ki Kisi Ki Badhti Hui Azmat Ko Dekh Kar

Us Se Hasad Rakhne Ki Bajaye Apne Liye Usi Nemat Ke Waste Khud Maula Ta-ala Se Dua Kare

Agar Wo Us Nemat Ke layaq Hoga Aur Maula Ta-ala Ne Chaha Toh Use Zaroor Ata Karega

Uske Khazane Mein Kisi Bhi Tarah Ki Koi Kami Nahin Hai

Aur Kisi Ki Nemat Cheen Kar Kisi Ko Dena Uski Shaan Ke Bayeed Hai

Lihaza Apni Soch Badlein


Hazrate Maula Ali ( Karam Allhu Ta-ala Wajhul Kareem ) Se Marwi Hai Ki Huzur ( SALLLALLAHU Ta-ala Alaihi Wasallam ) Irshaad Farmate Hain

Ki Teen Qism Ke Aadmi Jannat Mein Nahin Jayenge

Sharab Noshi Karne Wala

Rishtedaron Se Qata-a Taalluk Karne Wala

Aur Jadu Karne Wala

Magar Ye Ki Tauba Kar Le
( Masnade Ahmed Jild 4 Safah 399 )

Jaadugar Ki Saza Ye Hai Ki Use Qatl Kiya Jaye
( Mustadrak Jild 4 Safah 360 )

Jo Shakhs Kisi Najumi Ke Paas Jaye

Aur Uski Kahi Hui Baaton Ki Tasdeek Kare Toh Uski 40 Din Ki Namaz Qubool Na Hogi
( Muslim Jild 2 Safah 232 )


Kaahin Agar Kalmaye Haq Bhi Bolta Hai  To Bhi Usmein 100 Jhoot Milakar Bolta Hai
( Bukhari Jild 2 Safah 857 )