DAYYUS (AURTON KA DALAL)

Dayyus kise kehte hain

DAYYUS AURTON KA DALAL

Dayyus Yani Aurton Ka Dalal Aur Aurat Ki Dalali Sirf Yahi Nahin Hai Ki Kothon Par Baithne Wali Aurton Ki Dalali Ki Jaye

Balki Aurat Ka Dalal Wo Bhi Hai Jise Aaj Kal Badi Asani Se Dekha Ja Sakta Hai

Ki Apni Biwi Bahan Aur Ghar Ki Aurton Ko Saja Sawanr Kar Bazar Mein Hotelon Me Parkon Mein Dawaton Mein Log Be Pardah Kar Ke Ghoom Rahe Hain

Taki Ghair Mard Unki Aurton Ki Khoobsurati Dekhein Aur Tareef Karein
Agar Ye Aurat Ki Dalali Nahin Toh Fir Aurat Ki Dalali Kise Kahte Hain

Kunki Yahi Kaam Toh Wo Dalal Bhi Karte Hain Bas Fark Itna Hota Hai Ki Wahan Mardon Ko Aurton Ke Paas Bheja Bhi Jata Hai

Aur Yahan Ye Modern Dalal Apni Ghar Ki Aurton Ko Ghairon Ke Paas Bhejte Nahin Balki Unko Dikha Kar Hi Tasalli Kara Dete Hain

Baat Kadwi Zaroor Hai Magar Sachchi Hai
Aise Mard Aur Aisi Aurtein Sirf Aur Sirf Duniya Mein Lanat Ke Aur Aakhirat Mein Jahannam Ke Haqdaar Hain

Kuch Hadeesein Pesh Karta Hun Agar Aise Mardon Mein Ghairat Ab Tak Zinda Ho Toh Amal Karein

Warna Agar Ghairat Mar Chuki Hai Tab To Wo Khud Hi Murda Hain Aur Murde Se Amal Ki kya Ummeed Rakhi Jaye

HADEES
Ajnabi Aurat Aur Mard Ko Shahawat Ki Nazar Se Dekhne Walon Ki Aankh Qayamat Ke Din Aag Se Bhar
Di Jayegi
( Hidaaya Jild 4 Safah 424 )

HADEES
----------------
Jo Ghair Aurat Aur Mard Ek Doosre Ko Dekhen Toh Donon Par "ALLAH " Ki Lanat Hai
( Mishkat Safah 270 )


HADEES
-------------------
Parsa Aurton Ka Bazaru Aurton Se Bhi Pardah Karna Wajib Hai Kyunki Wo Uska Huliya Zaroor Zaroor Mardon Mein Batayengi Lihaza Unse Bhi Pardah Karne Ka Huqm Hai
( Abu Daud Safah 292 )

Sochiye Jab Aurat Ko Aurat Se Pardah Karne Ka Huqm Diya Ja Raha Hai

Toh Mardon Se Kya Kuch Huqm Na Hoga
Aur Yahan Toh Haal Hi Bura Hai
Pahla Toh Aurat Pardah Hi Nahin Karna Chahti Hai

Aur Kuch Karti Hain Toh "ALLAH " Ki Panah Ki Shayad Unhon Ne Ye Samajh Liya Hai Ki Pardah Kapde Ka Karna Hai

Kunki Agar Poora Jism Dhank Bhi Liya Hai Toh Chehra Sab Ka Khula Hai

Phir Tauba Tauba Naqab Bhi Wo Pahna Jata Hai Ki Poore Jism Ki Banawat Oopar Se Hi Maloom Ho Jati Hai

Aur Naqab Bhi Aisa Ki Kam Se Kam Unhein Nahin Toh Naqab Toh Log Dekhen Hi
Aur Agar Koi "ALLAH " Ki Bandi Sahi Pardah Karna Chahti Bhi Hai Toh Ye Modern Dalal Use Modernity Ke Naam Par Pardah Karne Nahin Dete

Ab Dayyus Ka Huqm Suniye

HADEES
-------------------
Huzur ( SALLLALLAHU Ta-ala Alaihi Wasallam ) Irshad Farmate Hain Ki Dayyus Jannat Mein Nahin Jayega
( Nisayi Jild 1 Safah 327 )

FUQHA
----------------
Baaz Aurtein Ghair Mard Se Chudiyan Pahanti Hain Mehndi Lagwati Hain Ye Haram Haram Haram Hai

Ghair Mard Ko Hath Dikhana Haram Uske Hath Mein Hath Dena Haram
Aur Jo Mard Is Par Razi Hai Toh Dayyus Yani Aurton Ka Dalal Hai
( Fatawa Razviyah Jild 9 Safah 208 )


FUQHA
-------------------
Aurton Ka Ghair Mard Ke Samne Sar Kholna Bhi Haram Hai Aur Jo Aisa Kare Wo Faasiqa Hai
Agar Mard Use Aisa Karne Se Mana Nahin Karta Toh Wo Bhi Faasiq Hai

Aise Ko Imam Banana Haram Uske Piche Namaz Padhna Najayez Aur Padh Li Toh Dohrana Wajib
Aur Agar Mana Karta Hai Aur Aurat Nahin Manti Toh Mard Par Koi Ilzam Nahin
( Fatawa Razviyah Jild 3 Safah 188/193 )

Yaad Rakhein Ki Ghar Ka Mukhiya Yani Haakim Yani Sardar Agar Chey Khud Neik Bhi Ho
Tab Bhi Qayamat Ke Din Us Waqt Tak Chutkara Nahin Milega 
Jab Tak Ki Apne Poore Parivar Ki Zimmedari Ka Hisab Na De De

Ki Sab Ko Islami Tahzeeb Aur Amal Ki Dawat Deta Tha Ya Nahin

Toh Jab Nekokar Ka Ye Haal Ho Ga Toh Jo Khud Bhi Bure Hon Aur Apne Ghar Walon Se Burai Door Bhi Na Karte Hon

Toh Kis Tarah Wo Wahan Nijaat Payeinge
Lihaza Apne Haal Par Raham Khayein Aur Musalman Hain Toh Musalman Jaisa Amal Karein Ghairon Ki Tarah Nahi

ALLAH sabhi ko ispar Amal ki toufiq Ataa farmaye Aameen