Gunahon Ki 2 Qisme hain
Gunahe Saghira (Chote Chote Gunaah)
Gunahe Kabira (Bade Bade Gunaah)
Gunahe Saghira Nekiyon Aur Ibadaton ki Barkat se Muaaf Hojaate Hain
Lekin
Gunahe Kabira Us Wqt Tak Muaaf Nahi Hote Jb Tak ki Aadami Sacchi Touba Na Kerle
Ke Ahle Huqooq Se Unke Huqooq Na Muaaf Karalen
Yaani Jis kisi ka Haq Maara ho Ya kisi Ke Sath Dhoka kia ho To Jabtak wo gunah Muaaf Nahi honge Jabtak ke Unse Khud Apne Wo Gunah Muaaf Na Karale Unka Haq Adaa Karke
Gunahe Kabira Kisko Kahete Hain
Gunahe Kabira Us Gunah ko Kahete Hain ki Jisse Bachne Par Khudabande Quddus Ne Maghfirat Ka Waada Farmaya Hai.
Aur Baaz Ulmay-e-kiram Ne Farmaya ki Har Wo Gunah jiske Kerne waale par ALLAH Azzuwajal Ne
Aur Rasul Sallallahu Alaihi wassallam Ne Laanat Farmaayi
Ya Azaab Wa Ghazab Ka Zikar Farmaya Woh Gunahe Kabira hai
Gunahe Kabira Kon Konse Hain
Gunahe Kabira ki Taa'daad Bahot Zyada Hai
Mager Inmese Chand Mashhur Kabira Gunahon ka Hum Yahan Zikar kerte Hain.
1- Shirk Kerna
2- Jaadu Kerna
3- khun-e- Nahak kerna
4- Sood Khana
5- Yateem Ka Maal Khana
6- Jihaad Kuffar se Bhaag Jana
7- Paak Daaman Momin Mard Aurton Par Zina ki Tohamat Lagana
8- Zina(rape) kerna
9- Chori Kerna
10- Jhoot Bolna Aur Jhooti Gawahi dena
11- Sharab peena
12- Zulm Kerna
13- Danka Daalna
14- Maa,baap Ko Taklif Dena
15- Haiz wa Nifaas ki Halat me Biwi se Sohbat Kerna
16- Juwaa Khelna
17- Saghira Gunah ka Israar Kerna
18- ALLAH Azzuwajal ki Rahemat se Naummid Hona
19- ALLAH Azzuwajal ke Azab se Bekhauf Hona
20- Naach Dekhna
21- Aurton ka Beparda Phirna
22- Naaptol me Kami Kerna
23- Chugli kerna
24- Gheebat Kerna
25- Do Musalmano Ko Aapas me Ladadena
26- Amanat me Khayanat kerna
27- Kisi ka Maal ya Zamin Vaghera Ghasab Kerlena
28- Namaz Roza Aur Hajj wa Zakaat Waghera Faraiz Ko Chord Dena
29- Musalmaano ko Gaali Dena
30- Inse Nahak Taor par Maarpeet Kerna
waghera waghra Sainkdo Gunahe Kabira Hai
Jinse Bachna Har Musalmaan Mard Aur Aurat par Farz Hai
(Fyuz Al'bari Sareh Bukhari kitabul imaan Jild 1 page 160,161)
Aur Saath Hi Dusron ko Bhi Rokna Laazim Aur Zaruri Hai
Hadees Shareef Me hai ki Ager Kisi Musalman ko Koi Gunaah Kerte Dekho To is par Laazim Hai ki Usko Us
Gunah Se Apna Haath Badhakar Rokden
Aur Ager Haath se Rokne ki Usko Taqat Na ho To Zubaan se Manaa Kerden
Aur Ager Isse Bhi Taqat Na Ho To kamse kam Apne Dil Se Us Gunah Ko Bura Samjh kar Us se Bezaari Zaahir kren Aur ye Imaan ka Nihayat hi Kamzor Darja Hai
(Sahih Muslim Sharif Kitabul imaan Page 44)
Yaani Agar Apko Lagta hai ki Me Isko Agar Manaa Karunga to ye Nahi manega Aur mujhse Ladega Ladayi Bad Jaegi
To
Us Gunah Ko Apne dil me Bura Jaane
Taki Qayamat ke Din Jab Allah Kahe ki Tune Gunah hote hue dekhe Aur Mere Bandon ko Us Gunah Se Roka Nahi To Aap keh Saken ki moula mene Isko Bohat rokna chaha Par Ye Nahi Manta tha
Lekin Me Us Gunah ko dil me Bohat bura Samjhta tha Islie Fir Uspar Aapki pakad nahi hogi
Ek Aur Hadees Me Aya Hai Ki koi Aadmi kisi Qaum Me Rehkar Gunaah Ka Kaam Kare
Aur Wo Qaum Quwwat(Taqat) Rakhte hue Bhi Us Aadami Ko Gunaah Na Kerne Se Roke To ALLAH TA'AALA Us Gunaah Ke Sabab Puri Qaum
Ko uske Marne se Pahle Azaab Me Mubtela Farmayega
Allah Ta'Ala se Yahi dua Hai Ki Allah hamen
Gunahon Se Nafrat Ataa Farma Aur Hamen Is Qabil bhi Bana ki hum logo ko
Gunahon Se Rok Saken Aameen
(At'targhib Wat'tarhib Jild 3 Page 161)
Next Post👇👇
📝 Gunahon-se-duniyawi-nuqsaan
0 Comments
Niche Comment Box Me Aapki Raaye Likhe